25.12.2018 / 21:21

Лукашэнка і Пуцін сустрэнуцца яшчэ раз. Прычым да Новага года 18

kremlin.ru

Беларусь і Расія зблізілі пазіцыі па ўсіх пытаннях, Аляксандр Лукашэнка і Уладзімір Пуцін дамовіліся аб новай сустрэчы да Новага года. Пра гэта БелТА заявіла прэс-сакратар кіраўніка беларускай дзяржавы Наталля Эйсмант.

«Мінулыя перамовы, безумоўна, мы можам назваць канструктыўнымі. Прэзідэнты абмеркавалі ўвесь спектр пытанняў нашага агульнага парадку дня. Ацэньваючы ў цэлым гандлёва-эканамічнае супрацоўніцтва, у першую чаргу як адназначна пазітыўны момант быў адзначаны рост тавараабароту. Сярод іншых найбольш актуальных тэм, якія абмяркоўваліся сёння, былі і цэнаўтварэнне на газ, праца беларускага нафтаперапрацоўчага сектара ва ўмовах падатковага манеўру, пастаўкі нашых прадуктаў харчавання на расійскі рынак. Як вынік— пазіцыі збліжаныя па ўсіх пытаннях», — заявіла прэс-сакратар.

Акрамя таго, прэзідэнты, асабліва падчас сустрэчы сам-насам, падвергнулі сур'ёзнаму аналізу дамоўленасці ў рамках Саюзнай дзяржавы, іх рэалізацыю.

«Было адзначана адставанне па некаторых пазіцыях і абазначаны намер дадзеныя працэсы актывізаваць (гэта тычыцца, напрыклад, правядзення адзінай узгодненай прамысловай палітыкі і гэтак далей)», — адзначыла Наталля Эйсмант.

«У выніку кіраўнікі дзяржаў дамовіліся да Новага года правесці яшчэ адну сустрэчу для прыняцця рашэнняў, якія не церпяць адкладання. У першую чаргу гэта звязана з жаданнем прэзідэнта Расіі больш паглыбіцца ў сутнасць праблем, каб знайсці шляхі іх рашэння. Дата дадзенай сустрэчы будзе ўзгоднена дадаткова з улікам графікаў кіраўнікоў дзяржаў», — дадала прэс-сакратар.

2
Вожык / Адказаць
25.12.2018 / 21:51
Бу-бу-бу, го-го-го, а по сути - ничего
30
Николай Апетёнок / Адказаць
25.12.2018 / 21:58
Получается, что надо паковать чемоданы и пока не поздно на Запад. Введут российские паспорта, закроют посольства в Минске и за визами в Москву. Оставят один погранпереход в Бресте. Или я что-то не понял.
1
Алесь2018 / Адказаць
25.12.2018 / 22:32
Эх раз да ещё раз да ещё много много много раз. Заберите его к себе в Москву как Януковича и встречайтесь хоть каждый день.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру