28.12.2018 / 19:56

Сёння ноччу жыхары вілейскай шматпавярхоўкі прачнуліся ад пажару ў пад’ездзе

Пра задымленне ў адным з пад'ездаў дзевяціпавярховага дома ў Вілейцы па вуліцы Гагарына, 12 паведамілі 28 снежня каля трох гадзін ночы.

Калі прыехалі першыя выратавальнікі, вялікае задымленне было на чацвёртым і пятым паверхах.

Гарэлі ўваходныя драўляныя дзверы ў адной з кватэр. Агонь на дзвярах патушылі. Іншых крыніц узгарання не знайшлі.

Падчас пажару кватэра была зачыненая, гаспадароў дома не было.

Па словах інжынера інспекцыі нагляду і прафілактыкі Аляксандра Казакевіча, справай цяпер займаецца Вілейскі РАСК. Над устанаўленнем прычыны і магчымага вінаватага будуць працаваць следчыя.

Каб пакінуць каментар, калі ласка, актывуйце JavaScript у наладах свайго браўзеру