На Новы год сышоў з жыцця ўладальнік фэнтэзі-хутара Літоўка пад Навагрудкам. Магчыма, гэта самагубства
Як стала вядома «Нашай Ніве», трагедыя здарылася 1 студзеня ў яго навагрудскай кватэры. Новы год Сяргей Коваль, вядомы пад мянушкай «Француз», святкаваў адзін.
Аператыўная група міліцыі выехала на месца здарэння пад вечар.
У сацыяльнай сетцы «Аднакласнікі» час ягонага апошняга заходу пазначаны як 11.49.
Што менавіта адбылося ў дзень Новага года, пакажа следства і экспертыза.
Прадпрымальнік Сяргей Коваль ператварыў Літоўку ў фантасмагарычнае месца. Там былі расстаўленыя вычварныя скульптуры, а інтэр'еры будынку былі нібы перанесеныя з фільма містычных жахаў. Мінулай восенню Коваль абвясціў пра закрыццё сядзібы. Прычыны такога кроку былі да канца не ясныя.
«Я атрымліваю шматлікія скаргі ад людзей, — тлумачыў ён «Нашай Ніве». — Людзі розныя — меркаванні розныя. Я іх не асуджаю. Гэта іх погляд. Але і змагацца няма сіл. Мяне абвінавачвалі ў сатанізме, у дрэнным уплыве на моладзь, і на тое, што на возеры з-за гасцей сядзібы пастаянныя п'янкі. Калі ўжо ваяваць, то за. Я супраць не ваюю. Цяпер на вароты павесіў замок. Не ведаю, што буду рабіць далей».
Незадоўга да таго, як гэта стала вядома, быў арыштаваны Дзмітрый Бондар, сябар Коваля — эксцэнтрычны самаабвешчаны святар, які абвясціў сябе «біскупам свету». Ягоная «рэзідэнцыя» месцілася ў Літоўцы. Прайшла інфармацыя, што Бондара вінавацілі ў заражэнні чалавека СНІДам.
«Як бы ні было і што б не пісалі, гэты чалавек зрабіў шмат для Наваградка, — напісаў карыстальнік сацсетак пад нікам Якаў Фаміч. — Як мінімум, цэлае пакаленне вырасла ў яго шмотках. Пабудаваў шыкоўны будынак у Літоўцы і акультурыў тое балота, якое, ужо праз пару гадоў зарасло б. У кожнага хапае ў шафе дзярма, але ніхто не шануе, калі чалавек робіць добрае, — выключная рыса саўкоў, — піша Якаў Фаміч і дадае. — Зямля пухам яму, хоць асабіста і не знаёмыя».
Чытайце таксама: Гаспадар закрытага хутара Літоўка: Мясцовыя жыхары вінавацілі мяне ў сатанізме
Сілавікі затрымалі мужчыну з Наваградка, які называў сябе «старакаталіцкім ксяндзом» і вёў эпатажны інстаграм
-
«Зачыні вокны і ўключы газ». Дзецям Гомельскай вобласці прыходзяць небяспечныя паведамленні ад імя вядомага блогера
-
Хто каго прапускаў? Канфлікт кіроўцаў на Прытыцкага прывёў да бойкі — і да крымінальнай справы
-
У Гомелі хлопец расказаў, што спатыкнуўся і ўпаў на свой акурак. А пасля на ім загарэлася адзенне
Філіпенка расказаў, ад колькіх сваіх кніг адмовіўся б і чаму прадаў «Тэслу»2
Каментары