У Мінску могуць з'явіцца сквер Еўфрасінні Полацкай і вуліца Ніколы Теслы, паведамілі карэспандэнту агенцтва «Мінск-Навіны» ва ўпраўленні культуры Мінгарвыканкама.
Камісія па найменаванні і перайменаванні праспектаў, вуліц, плошчаў і іншых складовых частак Мінска прапануе надаць імя беларускай асветніцы Еўфрасінні Полацкай скверу ў межах вул. Прытыцкага і Еўфрасінні Полацкай, а імя выдатнага фізіка, вынаходніка ў галіне электронікі і радыётэхнікі Ніколы Тэслы - праектаванай вуліцы № 3 на тэрыторыі шматфункцыянальнага комплексу «Мінск-Мір».
Таксама ўнесены прапановы назваць вуліцай Банцараўскай праезд № 3 у раёне вул. Зацень (па імі гарадзішча Банцараўшчына пад Мінскам), а вуліцай Бялградскай — праектуемую вуліцу № 5 на тэрыторыі эксперыментальнага шматфункцыянальнага комплексу «Мінск-Мір».
Гараджан запрашаюць паўдзельнічаць у абмеркаванні і выказаць сваё меркаванне па прапанаваных найменнях.
Упраўленне культуры Мінгарвыканкама прымае меркаванні жыхароў горада па прапанаваных назвах з 3 студзеня 2019 года на працягу 2 тыдняў.
Цяпер чытаюць
Васкрасенскі: Адкрываецца неба — і Алесь Бяляцкі адразу выходзіць31
Каментары