03.01.2019 / 15:50

Медыкаў таксама прымушаюць падпісвацца на дзяржаўную прэсу ДАКУМЕНТ 4

Чытачы-медыкі даслалі ў «Нашу Ніву» дакумент Міністэрства аховы здароўя, разасланы па ўсёй краіне. 

Ён у чарговы раз сведчыць пра практыку прымусовай падпіскі дактарамі на профільныя выданні міністэрства. 

«Міністэрства нагадвае пра падпіску на першае паўгоддзе 2019-га на газету «Медыцынскі веснік» і часопіс «Здравоохраніеніе. Helthcare» з дадаткам — часопіс «Медыцынскія веды», у тым ліку і ў сваіх падначаленых арганізацыях. Аб выніках падпісной кампаніі, у тым ліку ў сваіх падначаленых арганізацыях, да 28 снежня праінфармаваць Міністэрства аховы здароўя», — гаворыцца ў дакуменце. 

Цана падпіскі на газету «Медыцынскі веснік» — 27,85 рубля. 

Як запэўнілі «Нашу Ніву» па нумары, указаным на паперы, што «гэта выключна напамін, ніякіх прымусаў».

Праўда, як кажуць нам медыкі на месцах, у выпадку, калі дадзеныя па арганізацыі будуць «незадавальняючыя», то іх пазбаўляюць прэміі, а начальства нагнятае атмасферу «вінаватасці» ў дачыненні тых, хто не падпісаўся. 

Праўда, маўляў, выпадкі адмовы ад падпіскі усё адно ёсць і нават павялічваюцца.

Медыкі кажуць, што падпісваліся б на газету самі, калі б апублікаваная інфармацыя адпавядала іх запытам, а так, маўляў, даводзіцца ўсё цікавае чытаць у інтэрнэце, што і раздражняе людзей.

«Увесь час выходзяць новыя гайды, абнаўляюцца рэкамендацыі. Вось што трэба друкаваць, і не будзе ніякага прымусу. Яшчэ б пра юрыдычную абарону дактароў, пра практыкі пакарання за парушэнні і наадварот. Процьма тэмаў, якія запатрабаваны! А «Медвеснік» нібыта нічога не бачыць, друкуюць у газеце праграму перадач — навошта яна? Патрэбнай інфармацыі вобмаль», — кажуць дактары.

21
Читатель / Адказаць
03.01.2019 / 16:32
"Правда, как говорят нам медики на местах, в случае, если данные по организации будут «неудовлетворительны», то их лишат премии, а начальство будет нагнетать атмосферу «виноватости» в отношении тех, кто не подписался."

А они пробовали это проверить, или просто паранойя?

"Постоянно выходят новые гайды, обновляются рекомендации. Вот что нужно печатать, и не будет никакого принуждения."
https://nn.by/?c=ar&i=223082&lang=ru

Ничего не мешает завалить редакцию кучей писем с требованиями печатать актуальную информацию.


3
Палкоўнік Зэман / Адказаць
03.01.2019 / 18:04
Пацвярждаю! Прымушаюць.
1
Павел / Адказаць
03.01.2019 / 18:28
Для мяне, жыхара ЕЗ, гэта незразумела. Як можна пад прымусам выпісаць непатрэбную газэту?? Дык не выпісвайце, пакуль што за гэта у вас яшчэ не растрэльваюць. Калі б у Польшчы хто небудзь пачаў прымушаць людзей штосьці там непатрэбнае выпісваць, то адразу пачаўся б бунт. Ды і ў Літве з Латвіяй так сама было б. А вы маўчыцё.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру