У выніку пошукава-выратавальнай аперацыі ў Магнітагорску ўдалося дастаць з-пад абломкаў целы 39 чалавек, паведамляе агенцтва ТАСС са спасылкай на намесніка кіраўніка МНС Расіі Аляксандра Чупрыяна. Паводле яго слоў, больш нікога ў руінах няма.

Фота: МНС Расіі.

«Паўгадзіны таму вынялі апошняе цела. Пошукава-выратавальная аперацыя завершана», — сказаў ён.

Раней у прэс-службе рэгіянальнага МНС паведамілі пра тое, што каля 16:00 у завалах пад'езда ўдалося знайсці цела загінулай жанчыны, якая стала 39-й ахвярай трагедыі.