05.01.2019 / 11:28

Беларусь — гэта балоты, і гэта выдатна! ФОТЫ Віктара Малышчыца 5

Ад многіх чую, што Беларусь — гэта балота. Так, Беларусь — гэта балоты, і гэта выдатна! Хто не бачыў балот і не хадзіў па іх, наўрад ці ведае, што гэта адны з самых маляўнічых месцаў нашай краіны, гэта скарб не меншы, чым Нарач ці Белавежская пушча.

У Еўропе балот амаль не засталося. А нізінных балот — практычна нуль, тут з Беларуссю ніхто не можа пасупернічаць. Адно з такіх незвычайных і рэдкіх балот — Званец, якое размешчана на мяжы Кобрынскага і Драгічынскага раёнаў.

Гледзячы на гэтыя бясконцыя астраўкі ў ранішнім тумане, хацелася пайсці бясконца ўглыб гэтага вялізнага жывога арганізму і растварыцца сярод балотных абшараў. Але далёка ісці было цяжка: у канцы жніўня трава месцамі сягала ў мой рост. Ды і машына, што захрасла ў зыбучых пясках, казала, што лепш не па балотах гуляць, а заняцца пошукамі трактара. Таму я глядзеў больш вачыма дрона — ён паспеў нашмат больш за мяне.

Дарэчы, Званец — адно з любімых месцаў вяртлявай чаротаўкі, надзвычай галасістай птушачкі, у якой большая частка сусветнай папуляцыі гняздуецца ў Беларусі.

1
Serg / Адказаць
05.01.2019 / 11:57
Прыгожа!!!
2
хамса / Адказаць
05.01.2019 / 12:04
Віктар, вы неверагодны малайчына, што кажаце і паказваеце нам такое.. і я кажу: наша прырода і нашы людзі - гэта асноўнае (ды бадай адзінае)) нашае багацце.. трэба і то, і то берагчы) і шанаваць)
1
Базыль / Адказаць
05.01.2019 / 12:42
Дзе шчэ можна ўбачыць такія барэльефы зялёныя, а туманы, што сцеляцца па зямлі (вось адкуль садралі ўвесь гэты эстрадны бутафорскі дым), і сонца, якое кожны раз гарыць іншым колерам...
Гэта НАША...
Дзякуй!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру