04.01.2019 / 20:34

У Нямеччыне адбылася маштабная ўцечка звестак сотняў нямецкіх палітыкаў 5

У інтэрнэт трапілі асабістыя звесткі нямецкіх палітыкаў розных узроўняў, уключаючы канцлера Меркель. Пашпарты, крэдыткі, адрасы, нумары тэлефонаў, перапіска палітыкаў з'явіліся ў інтэрнэце напрыканцы снежня, паведамляе DW.

Асабістыя даныя і дакументы сотняў нямецкіх палітыкаў, сярод якіх аказалася і канцлер Нямеччыны Ангела Меркель (Angela Merkel), былі выстаўленыя на ўсеагульны агляд у інтэрнэце як мяркуецца, у выніку кібератакі. Пра гэта ў пятніцу, 4 студзеня, на прэс-канферэнцыі ў Берліне паведамілі афіцыйныя прадстаўнікі ўрада і міністэрства ўнутраных спраў Нямеччыны.

У Сетку патрапілі даныя крэдытных карт, нумары тэлефонаў, адрасы, асабістыя і ўнутрыпартыйныя дакументы, такія як пашпарты, рахункі, лісты, запрашэнні, заяўкі на наведванне партз'езда і нават змесціва чатаў дэпутатаў усіх партый, прадстаўленых у бундэстагу, а таксама дэпутатаў зямельных ландтагаў, нямецкіх сябраў Еўрапарламента і палітыкаў камунальнага ўзроўню. Акрамя таго, апублікаваныя асабістыя даныя шэрага дзеячаў культуры і журналістаў.

Як паведаміла прадстаўнік урада Нямеччыны Марціна Фітц (Martina Fietz), сярод апублікаваных даных канцлера Меркель не выяўлена канфідэнцыйных або сакрэтных матэрыялаў. Невядомыя апублікавалі адрасы электроннай пошты і нумар факса Меркель, а таксама некалькі лістоў.

Па словах Фітц, да расследавання інцыдэнту падключыліся Федэральнае ведамства бяспекі ў сферы інфармацыйных тэхналогій (BSI), Федэральнае ведамства па крымінальных справах і Федэральнае ведамства па ахове канстытуцыі.

Прадстаўнік МУС таксама паведаміў, што ведамствы правяраюць, ці была гэта хакерская атака. Па адной з версій, нехта, які мае доступ да прыватных даных у сілу сваёй дзейнасці, мог раскрыць інфармацыю. Ужо вядома, што ўцечка даных адбылася не праз урадавую сетку. Правяраецца версія аб магчымым крадзяжы даных праз унутраную сетку бундэстага.

16
вася чэсных / Адказаць
04.01.2019 / 20:58
Отголоски несостоявшегося заговора. Помните, прошла информация про раскрытие организации офицеров бундесвера, которые планировали военный переворот. Было заготовлено оружие, техника, топливо и др.материалъно-технические средства. А теперь, видимо, проявила себя информационная подготовка. Или хакер, которому было уплачено, довел задание до конца(а он скорее всего и не знал ни заказчика, ни целей), либо организацию полностью ликвидировать не удалось - и данный сброс сигнал для всех, что все "на крючке". Эдакая рука из озера "Должок"...
2
metsavend / Адказаць
05.01.2019 / 10:43
Скоро узнаем, что всё это - очередная гаденькая акция кремлёвских хакеров. Агонизирующий путинский режим способен только разрушать, но не созидать. 
2
вася чэсных / Адказаць
05.01.2019 / 22:00
Metsavend, а что разрушили-то гаденькие хакеры из кремля? И главное, как поговаривал Холмс, в чем мотив? Где профит?!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру