06.01.2019 / 15:14

У Драздах-2 выставілі на продаж адзін з самых незвычайных катэджаў краіны — шмат ФОТА ці падабаецца вам? 21

У базах агенцтваў нерухомасці з’явілася новая прапанова — самы незвычайны катэдж у элітным раёне Вяснінка, больш вядомым як «Дразды-2».

У квартале жывуць некалькі дзясяткаў прадстаўнікоў лукашэнкаўскай эліты — ад мільянера Аляксандра Шакуціна да міністра ўнутраных спраў Ігара Шуневіча, — якім раздалі зямлю амаль задарма.

Аднак сустракаюцца і катэджы бізнэсменаў. Некаторыя з іх выкуплялі зямлю ў вяскоўцаў па рынкавай цане. Такія дамы рэдка выстаўляюцца на продаж. Аднак адзін з катэджаў па вуліцы Вяснінка ўсё ж шукае новага гаспадара. Праўда, цяперашні ўласнік нават прыблізна не пазначыў цану збудавання.

Гэты дом вылучаецца сярод іншых незвычайным цёмным фасадам. Мясцовыя жыхары некалькі гадоў таму расказалі «Нашай Ніве», што іх палохае гэты балтыйска-скандынаўскі праект — маўляў, вонкава падобны на крэматорый. Яны ж адзначалі, што тут жыве сям’я прадпрымальніка, які займаецца ювелірным бізнэсам.

Аднак архітэктарка Аляксандра Баярына высока ацэньвала незвычайны катэдж:

«Сучасныя матэрыялы адпавядаюць форме і кампазіцыі. Нават пры такой змрочнасці станоўча працуе маналітнае вобразнае рашэнне аб’ему як сукупнасці ўсіх даступных позірку элементаў. Усё ідэальна! Калі яшчэ ўдала выкананы ландшафтны дызайн, праект можна аднесці да найлепшых у краіне».

Як выявілася, унутры дом не менш арыгінальны, чым звонку.

«Архітэктарамі быў абраны стыль эклектыка — спалучэнне арт-дэко і хай-тэка. Шматслаёвы фасад абліцаваны натуральным каменем — сланцам. Усё аздабленне — з Італіі», — гаворыцца ў аб’яве. Дарэчы, плошча дома — 450 квадратных метраў.

Ці падабаецца вам?

Ад Абельскай да Ярмошынай: 112 уладальнікаў катэджаў у Драздах, поўны спіс

13
Зосім / Адказаць
06.01.2019 / 15:49
Вось дзе асядаюць шматлікія крэдыты , еўра бонды і азіацкія траншы , а адурманены народ за гэта расплачваецца штодня у крамах ды на бензакалонках.
17
mannen / Адказаць
06.01.2019 / 15:54
Местами стены несуразно пестрые, но в целом зачетный домик.
Интересно что за "мясцовыя жыхары", которых дома пугают, это те самые из "элиты" чтоле?
39
хамса / Адказаць
06.01.2019 / 16:05
нічога незвычайнага ў гэтым будынку няма - вонкава нагадвае звычайны савецкі грамадскі будынак.. стыль 1960-90 гг. - савецкі мадэрнізм.. 'для якога характэрна использование облицовочных материалов .., а кроме того – массовое остекление поверхностей зданий' і простыя, геаметрычныя формы
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру