У акваторыю Чорнага мора накіроўваецца амерыканскі дэсантны карабель-док «Форт МакГенры» (USS Fort McHenry), паведаміла камандаванне 6-га аператыўнага флоту Ваенна-марскіх сіл ЗША. Зараз гэты баявы карабель праходзіць праліў Дарданэлы.
Камандуючая 6-м аператыўным флотам ВМС ЗША віцэ-адмірал Лайза Франчэці заявіла, што адпраўка «Форта МакГенры» ў Чорнае мора пацвярджае рашучасць ЗША забяспечваць бяспеку Чорнага мора і умацоўвае трывалыя адносіны Амэрыкі з саюзнікамі па НАТА і партнёрамі ў рэгіёне. Таксама такія «руцінныя аперацыі ў Чорным моры» дэманструюць гнуткасць і магчымасці сіл 6-га флоту ЗША, дадала яна.
Карабель з прыблізна 500 амерыканскімі марпехамі на борце забяспечаны докавай камерай для пяці транспартных катараў на паветранай падушцы — яны прызначаны для высадкі марской пяхоты і баявой тэхнікі. Водазмяшчэнне «Форта МакГенры» — 16,1 тысячы тон, а даўжыня карабля — 190 метраў. Ён абсталяваны зенітнай артылерыяй і ракетнай зброяй, перадае vesti.ru.
У адпаведнасці з Канвенцыяй Мантр'ё 1936 года, ваенныя караблі нечарнаморскіх краін могуць знаходзіцца ў акваторыі Чорнага мора не больш за 21 суткі.
«Форт МакГенры» ажыццяўляе пераход праз праліў Дарданэлы ў Чорнае мора ў складзе элементаў 22-й марской экспедыцыйнай групы, паведамляецца ў твітары прэс-службы 6-га флоту ЗША.
#USSFortMcHenry (LSD 43) & embarked elements of the 22nd Marine Expeditionary Unit (MEU), has begun its north-bound transit of the Dardanelles Strait, en route to the Black Sea #US6thFleet #Power4Peace pic.twitter.com/jTqF64i8e1
— U.S. Naval Forces Europe-Africa/U.S. 6th Fleet (@USNavyEurope) 6 января 2019 г.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары