У Лос-Анджэлесе ў ноч на 7 студзеня адбылася 76-я цырымонія ўручэння прэміі «Залаты глобус». Найлепшым драматычным фільмам была прызнана праца Браян Сiнгера «Багемская рапсодыя» (Bohemian Rhapsody), якая расказвае пра гурт Queen і іх вакаліста Фрэдзі Мэрк'юры.
Акцёр Рамі Малек, што выканаў ролю музыканта, стаў найлепшым драматычным акцёрам.
Карціна «Зялёная кніга» Пітэра Фарэлі заваявала «Залаты глобус» у катэгорыі «найлепшая камедыя / мюзікл». Карціна мексіканскага рэжысёра Альфонса Куарона «Рым» (Roma) ганаравалася «Залатога глобуса» у катэгорыі «Найлепшы фільм на замежнай мове». Найлепшым анімацыйным фільмам быў прызнаны «Чалавек-павук: Праз сусветы» (Spider-Man: Into the Spider-Verse).
Амерыканец Махершала Алі атрымаў узнагароду «Залаты глобус» у намінацыі «Найлепшы акцёр другога плана» за ролю ў карціне «Зялёная кніга». Найлепшай актрысай другога плана стала Рэджына Кінг за ролю ў фільме «Калі Біл-стрыт магла б загаварыць».
Лэдзі Гага заваявала «Залаты глобус» за песню Shallow да фільма «Зорка нарадзілася». Яна таксама прэтэндавала на званне найлепшай актрысы за ролю ў аднайменным фільме, але ў гэтай намінацыі засталася без узнагароды.
Узнагароду ў намінацыі найлепшы драматычны серыял заваявалі «Амерыканцы». Серыял апавядае пра пару агентаў КДБ, якія пад выглядам мужа і жонкі-амерыканцаў пасяляюцца ў прыгарадзе Вашынгтона.
Кінапрэмія «Залаты глобус» уручалася ў 76-ы раз. Яе часта называюць рэпетыцыяй «Оскара».
