07.01.2019 / 10:45

У Магілёве на Каляды загінуў хлопец — ён з'ехаў з горкі на цюбінгу і ўрэзаўся ў ліхтар 6

tvmogilev.by

Няшчасны выпадак адбыўся ў Магілёве ў парку Падніколле 6 студзеня каля 23.00. Загінуў малады чалавек, што катаўся з горкі на цюбінгу. Пра гэта паведамілі ў сацыяльных сетках відавочцы.

«На маіх вачах двое на цюбінгах ляцелі з самага верху горкі. На трампліне іх падкінула. Адзін нармальна прызямліўся, але таксама быццам слуп зачапіў. Другі галавой аб слуп даўся злёту. Вельмі моцна і звонка, як звон. Падляцелі да яго — ляжыць на спіне, кроў ручаём з носа. Прыкмет жыцця не было. Там гандлёвыя кропкі побач — адтуль падаспела дзяўчына з сурвэткамі», — піша адзін з відавочцаў у суполцы Магілёў Live Укантакце.

Па сведчаннях відавочцаў, медыкі не змаглі выратаваць хлопца. Загінуламу было 24 гады.

Ва УУС Магілёўскага аблвыканкама TUT.BY інфармацыю аб няшчасным выпадку ў парку пацвердзілі.

Несанкцыянаваную горку ў парку арганізавалі самі гараджане побач з лесвіцай з каскадным фантанам. Медыкі і раней скардзіліся, што на ёй траўмуецца шмат людзей — днём з горкі прывозяць пацярпелых дзяцей, а вечарам і ноччу — дарослых.

За некалькі дзён да трагедыі на горцы была ўсталяваная шыльда, што катацца тут забаронена.

У Прылуках трэцякласнік загінуў, катаючыся з горкі на цюбінгу

10
хамса / Адказаць
07.01.2019 / 11:05
жах.. другая смерць за кароткі прамежак часу
цюбінг - вельмі небяспечны від зімовага адпачынку - ён абсалютна некіраваны, а хуткасць можа развіваць вялікую (да 100 км у гадзіну).. небяспечная (крытычная) для жыцця пешахода хуткасць аўто - 50 км/г.. а ўрэзацца ў стоўб нават горш, чым сустэцца пешаходу з едучым аўто
пры катанні на цюбінгу трэба выбіраць спецыяльныя трасы і горкі - роўныя і дзе ўнізе нічога няма
7
Адыкватник) / Адказаць
07.01.2019 / 11:23
что мешает в Могилеве горку нормальную оборудовать??
12
ЯНКА / Адказаць
07.01.2019 / 13:31
※✞※ Новы год. А працаўніца Сьмерць не сыйшла нават на навагоднія вакацыі. Вельмі шкада дзяцюка... ※✞※ А нам, яшчэ жывым, нельга ні як разьменьваць мову на кіўбасу. Каб ня ўмёрлі больш глябальна. Адсюль выснова: «цюбінг» у Беларусі мусіць быць забаронены! ※✞※ Не, як толькі якая чаўпяжня ўязджае ў «велікій і могучій», яна тут жа падхопліваецца й мясцовымі ёл..мі, на жаль, яшчэ апранутымі ў вышыванкі. А ну, спыніцеся! Не забруджвайце мову расейскай замежнай саранчою! ※✞※ І хоць дзеля прыстойнасьці зірнулі б у тую «педывікію-рупэдыю», ці ўзгадалі школьную праграмку ангельскай мовы. Цюбінг, як і бальшыня, што сканчаецца на -інг, гэта працэс. То бок цюбінг — працэс сьлізганьня з пагорку на надзьмутых санках. Самі ж санкі, калі так сьвярбіць, лепш абражаць, цьфу ты, Госпад, цюбамі. ※✞※ Забараніць, забараніць такое трэба «жэстачайшэ»... ※✞※
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру