08.01.2019 / 19:31

Улады прапануюць увесці квоту на работнікаў з інваліднасцю — мінімум 3% калектыву 18

У Беларусі распрацавалі праект закона «Аб правах інвалідаў і іх сацыяльнай інтэграцыі». Па планах, у красавіку яго унясуць у парламент. Калі ўсё пройдзе гладка, з 1 студзеня 2023 года ў краіне наймальнікам ўсталююць квоту для прыёму на працу людзей з інваліднасцю, піша TUT.by са спасылкай на Міністэрства працы і сацыяльнай абароны.

У дакуменце пазначана, што наймальнікам усталёўваецца квота для прыёму на працу людзей з інваліднасцю «у памеры 3% ад сярэдняспісачнай колькасці работнікаў». У гэтую колькасць не ўносяцца работнікі, у якіх шкодныя і/або небяспечныя ўмовы працы. Ад квоты вызваляюцца арганізацыі, маёмасць якіх знаходзіцца ва ўласнасці грамадскіх аб’яднанняў людзей з інваліднасцю.

Мясцовыя органы ўлады вызначаюць мінімальную колькасць працоўных месцаў (у тым ліку спецыялізаваных) для людзей з інваліднасцю. Саўмін вызначае парадак ўстанаўлення квоты і яе выканання.

Адзначым, што ў Расеі такая квота ўжо дзейнічае.

Праект закона прадугледжвае і іншыя артыкулы. Напрыклад, сёмы — аб забароне дыскрымінацыі па прыкмеце інваліднасці. У дадзеным выпадку пад дыскрымінацыяй маецца на ўвазе любое адрозненне, выключэнне або абмежаванне па прычыне інваліднасці, калі гэта робяць з мэтай прыніжэння або адмаўлення правоў і свабод чалавека. 

10
Mob100 / Адказаць
08.01.2019 / 16:33
Позитивная дискриминация? Кто нибудь себя покалечит, чтоб устроиться на работу?
7
Ангеліна / Адказаць
08.01.2019 / 16:40
Для інвалідаў, канешне, трэба ствараць новыя месцы. Ды толькі калі нашая дзяржава за нешта бярэцца... Ужо ёсць недабрасумленныя бацькі, якія абцяжарваюць прадпрыемствы, бо заробак ім плаціць трэба, а працаваць іх не прымусіць.  А што рабіць, напрыклад, малым фірмам, якія не маюць магчымасці прыняць інваліда? Такія рэчы трэба стымуляваць праз эканамічныя ільготы, а не рабіць абавязкам.
8
фелікс / Адказаць
08.01.2019 / 16:51
Дурэпа. Трэба даваць падаткавыя ільготы, а не уводзіць дурныя загады.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру