08.01.2019 / 19:40

Гродзенец спыніў калону МАЗаў на чале з ДАІ, каб разабрацца, чаму яго аблілі граззю 7

У рэдакцыю «АвтоГродно» звярнуўся Юрый, якому ўборка снегу на дарогах ледзь не каштавала пераздачы сесіі. Справа ў тым, што хлопца абліло хваляй бруднага снегу з-пад аднаго з МАЗаў.

Усё адбылося днём у мінулую суботу.

— Я ехаў на экзамен. Выйшаў на прыпынку «Завод аўтаагрэгатаў» і рушыў у бок універсітэта. Насустрач мне — караван МАЗаў ў суправаджэнні «Крайслера». Вока цешыцца! Гляджу: талая гразь неяк высока падымаецца. Паліцы зроблены так, што снег адлятае досыць далёка. Я адышоў ад дарогі яшчэ далей. Думаю, яшчэ туфлі запэцкае. Трэба сказаць, што тратуар у гэтым месцы знаходзіцца і так за 2 метры ад праезнай часткі.

Юрый распавёў, што ўздоўж дарогі былі прыпаркаваны аўтамабілі, таму калона МАЗаў іх аб'язджала і знаходзілася далёка. Яна працягвала рухацца да хлопца. Рад прыпаркаваных аўто скончыўся і калона зрушылася да краю дарогі, як раз да Юрыя.

— Раптам хваляй гразі мяне абліло з ног да галавы. Мала таго, сіла ўдару была такой, што я не ўстаяў на нагах, і ўпаў прама ў гурбу. Я сярэдняга целаскладу, 1,82 ростам, а ўявіце, была б мініяцюрная дзяўчына ці дзіця? — задае рытарычнае пытанне малады чалавек. — Я спрабаваў услед махаць рукамі, але безвынікова.

Малады чалавек засмуціўся і вырашыў патэлефанаваць у 102, а сам тым часам рухаўся ў бок універсітэцкага корпуса.

— Гляджу калона развярнулася і рухаецца назад. Я да іх! — кажа Юры. — Спыніў гэты караван — і рушыў адразу да аўтамабіля суправаджэння «Дэльты». Зразумела, што засмучаны быў і злаваўся вельмі. Супрацоўнікі «Дэльты» паспачувалі, але сказалі, што «Мы там ужо нічога не бачым!». Мы яшчэ спрабавалі нешта праясніць, але быў заблакаваны цэлы кірунак, ззаду ўжо стаў утварацца затор, а кіроўцы — сігналіць. Таму я пайшоў далей.

Малады чалавек адправіўся ў будынак універсітэта і тым часам датэлефанаваўся ў 102. Дзяўчына-аператар удакладніла, ці могуць яму патэлефанаваць па гэтым нумары тэлефона. Юрый адказаў, так, але цяпер у яго будзе экзамен, таму на працягу нейкага часу ён будзе недаступны.

— Якое было маё здзіўленне, калі на сярэдзіне экзамену ў кабінет заходзіць вахцёр у суправаджэнні супрацоўнікаў ДАІ. Аказваецца, у мяне было прапушчана каля 15 званкоў ад іх, — працягвае сваю гісторыю суразмоўца. — Я выйшаў у калідор. А яны перш за ўсё спыталі нумар аўтамабіля, які мяне абліў брудам. І тут я зусім раззлаваўся: «Вы мне прапануеце праводзіць вышуковыя мерапрыемствы?»

Юрый дамовіўся сустрэцца з супрацоўнікамі ДАІ пасля іспыту. Хлопец напісаў тлумачальную запіску. На гэтым справа пакуль што скончылася.

7
Свободный / Адказаць
08.01.2019 / 19:40
ЧЕЛОВЕК а не быдло которое можно истязать Респект
103
Зiма / Адказаць
08.01.2019 / 19:56
Не лянуецца. Тэлефануе. Грошы за забруджванне штаноу хоча спагнаць цi што...
22
Звыклы беларус / Адказаць
08.01.2019 / 20:11
Сапраудны вайшнорац! Вицябляне тольки б абцерлися  ...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру