09.01.2019 / 13:40

У Чэрвеньскім раёне сутыкнуліся два аўтобусы з дзецьмі. Меркаваная прычына — лось на дарозе

Два аўтобусы з дзецьмі сутыкнуліся ў Чэрвеньскім раёне, пацярпелі дзве 12-гадовыя школьніцы, паведамілі БЕЛТА ў ДАІ Мінскай вобласці.

Аварыя адбылася 8 студзеня каля 18.40 на 75-м км трасы Мінск - Магілёў паблізу вёскі Калодзежы. Калона аўтобусаў везла дзяцей з Мінска ў Магілёўскую вобласць.

«Кіроўца аўтобуса Нёман не справіўся з кіраваннем. Ён сутыкнуўся з аўтобусам МАЗ, які ехаў наперадзе і зніжаў хуткасць, - распавялі ў ДАІ. - У выніку ДТЗ пацярпелі дзве дзяўчынкі 2006 года нараджэння. Яны былі дастаўлены ў бальніцу для абследавання».

Папярэдняя прычына зніжэння хуткасці калоны - з'яўленне ласёў каля дарогі. Па факце ДТЗ праводзіцца праверка.

Каб пакінуць каментар, калі ласка, актывуйце JavaScript у наладах свайго браўзеру