Маскоўскі цырк пакінуў частку сваіх рэчаў у Полацку. Кіраўнікі трупы знайшлі стаянку і нанялі 35-гадовага мясцовага жыхара вартаўніком, паведамляе міліцыя.
Пасля цырк з’ехаў, а вартаўнік застаўся. І вырашыў, што чужую маёмасць можна прадаць. Разам са сваімі знаёмымі мужчына вынес рэчаў на 8 тысяч беларускіх рублёў.
Але недахоп рэчаў заўважыў энергетык цырка, які правяраў абсталяванне. Звярнуліся ў міліцыю.
Вартаўніка затрымалі. Цяпер яму і яго «кампаньёнам» пагражае да 4 гадоў зняволення.
0
0
0
0
0
0