10.01.2019 / 17:46

Рэгіянальныя суполкі Укантакце працягваюць апытваць людзей, ці хочуць яны далучэння да Расіі 15

Напрыканцы 2018 года сайт nn.by звяртаў увагу, што адразу дзясятак рэгіянальных суполак сацыяльнай сеткі Укантакце змясцілі на сваіх старонках аднолькавыя апытанні, ці падтрымліваюць іх чытачы ўступленне Беларусі ў склад Расіі.

Найгоршыя паказчыкі былі ў Віцебску. У мясцовых суполках больш за 40% рэспандэнтаў выступілі за аб’яднанне. У Гомелі і Барысаве лічбы прыхільнікаў больш шчыльнай інтэграцыі таксама былі немалымі, але ўсё ж большасць там выступала за захаванне незалежнасці.

Абсалютная большасць мінчукоў і берасцейцаў выступілі за захаванне самастойнасці Беларусі.

Апытанні працягваюць праводзіць і цяпер. Літаральна 9 студзеня такое пытанне задала суполка «Лёзна». Гэта раённы цэнтр на мяжы з Расіяй у Віцебскай вобласці.

Удзел у апытанні ўзяло ўсяго 190 чалавек, але 43% выказаліся за далучэнне да Расіі. Прыхільнікаў незалежнасці набралася толькі 33%. Яшчэ 24% адказалі, што ім усё адно.

Суполка «Тыповы Слонім» дадала да варыянтаў адзін вельмі радыкальны адказ для тых, хто са зброяй у руках гатовы падтрымліваць далучэнне Беларусі да Расіі. Агулам такіх патэнцыйных сепаратыстаў набралася некалькі дзясяткаў (3%). За незалежнасць Беларусі ў слонімскім пабліку выступіла больш за 63%. Агулам прагаласавала 730 чалавек.

Пяцьсот чалавек прагаласавала ў суполцы «Інтрыгі. Лельчыцы». Дзве траціны выступілі за незалежнасць нашай краіны, траціна — за далучэнне да ўсходняй суседкі. Адметна, што ва ўсіх гэтых апытаннях варыянт далучэння да Расіі ідзе акурат першым.

У пабліку «Тыповы Бабруйск» галасы размеркаваліся наступным чынам: 47% за незалежнасць, 42% — за далучэнне. Яшчэ каля 10% не змагла вызначыцца, чаго хоча больш.

Суполка «Рэчыца без цэнзуры» таксама змясціла падобную галасаванку. Амаль 49% апытаных выступілі за Беларусь, 28% - за Расію. Ну і яшчэ вялікая колькасць людзей (23%) вырашыла не падтрымліваць ні адзін з варыянтаў.

Зміцер Панкавец

4
Адыкватник) / Адказаць
10.01.2019 / 17:51
Проведение подобных аппытанняу!! уже само по себе ставят Беларусь некой провинцией Расеи!
а названия Суполак - дык вообще идентичны росийским
6
Мік-Цвік / Адказаць
10.01.2019 / 18:13
А ў мяне падазрэнне, (і дай бог, каб так і было), што гэта працуюць нашыя спецслужбы! Бо гэта адзіны шлях аб'ектыўна выявіць настроі ў краіне і працаваць на ўмацаванне незалежнасці! А выяўленая карціна застаўляе задумацца!...
4
Алесь2018 / Адказаць
10.01.2019 / 18:13
Вконтакте остались преимущественно одни ватники и дети. И даже среди них большинство за независимость. По соцопросам около 15% за вхождение в состав России. 80% за независимость Беларуси. В Витебске около 20% за вхождение в состав России, а 75% за независимость Беларуси. И среди тех, кто за Россию- этнические русские, военные пенсионеры, приехавшие к нам из России и немного наших пенсионеров. Точка. Собес ваш. И не более.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру