10.01.2019 / 20:08

Лукашэнка зрабіў больш жорсткімі ўмовы аказання дзяржпадтрымкі прадпрыемствам. Дапамагаць будуць толькі ў выключных выпадках 1

У Беларусі робіцца больш жорсткім парадак аказання дзяржаўнай фінансавай падтрымкі. Гэта прадугледжана ўказам №10, які Аляксандр Лукашэнка падпісаў 10 студзеня.

Устаноўлена, што дзяржпадтрымка можа аказвацца ў выключных выпадках па рашэнні прэзідэнта толькі ў выглядзе бюджэтнай пазыкі для рэалізацыі інвестыцыйных праектаў, якія прайшлі дзяржаўную комплексную экспертызу і якія маюць станоўчае заключэнне.

Указам удакладнены пералік асоб, якія могуць разлічваць на дзяржпадтрымку. У спіс трапілі юрыдычныя асобы — рэзідэнты Беларусі (за выключэннем бюджэтных арганізацый, банкаў, Банка развіцця Беларусі, страхавых і нябанкаўскіх крэдытна-фінансавых арганізацый, калі іншае не ўстаноўлена кіраўніком дзяржавы) і індывідуальныя прадпрымальнікі.

Пры гэтым умовай аказання дзяржпадтрымкі з'яўляецца дасягненне прадпрыемствам асноўных паказчыкаў дзейнасці: рэнтабельнасць продажаў, прадукцыйнасць працы, зніжэнне ўзроўню затрат на вытворчасць і рэалізацыю прадукцыі.

Карэкціроўка паказчыкаў надалей забараняецца. Калі гэтыя паказчыкі не будуць дасягнутыя, пазычальнік павінен будзе датэрмінова вярнуць бюджэтныя сродкі.

0
гердзень / Адказаць
11.01.2019 / 00:21
ой, няўжо за эканоміку ўзяўся? лопні мае вочы, яшчэ 2 разы за 5 год сказаў па-беларуску, можа заўтра бчб начэпіць на пінжак?
Каб пакінуць каментар, калі ласка, актывуйце JavaScript у наладах свайго браўзеру