11.01.2019 / 15:16

На пасаду генеральнага сакратара Рады Еўропы прэтэндуе экс-прэм'ер Літвы 1

flickr.com

Старшыня камітэта міністраў Рады Еўропы атрымаў шорт-ліст кандыдатаў на пасаду генеральнага сакратара, адабраных краінамі - членамі арганізацыі. У яго трапілі кіраўнік МЗС Бельгіі Дыд'е Рэйндэрс, былы прэм'ер-міністр Літвы Андрус Кубілюс, дэпутат парламента і былая кіраўнік МЗС Грэцыі Дора Бакаяні і намеснік прэм'ер-міністра і кіраўнік МЗС Харватыі Марыя Пейчынавіч Бурыч.

Згодна з устаноўленай працэдурай, камітэт міністраў Рады Еўропы правядзе гутаркі з кожным з кандыдатаў у сакавіку, пасля вынесе на разгляд Парламенцкай асамблеі рады фінальны спіс прэтэндэнтаў. Выбары пройдуць у чэрвені, да працы новы генеральны сакратар прыступіць 1 кастрычніка гэтага года.

З 2009 года пасаду генеральнага сакратара Рады Еўропы займае нарвежац Турб'ерн Ягланд (ён быў пераабраны ў 2014 годзе).

1
Ляксандра / Адказаць
11.01.2019 / 19:55
Карацей,пасада ільфапятроўскага Функа?
Каб пакінуць каментар, калі ласка, актывуйце JavaScript у наладах свайго браўзеру