11 студзеня агучылі прысуд ураджэнцу адной з вёсак Рэчыцкага раёна. Мужчыну абвінавачвалі ў забойстве таксіста. Адметнасць справы ў тым, што злачынства адбылося яшчэ ў 1984 годзе.
35-гадоў таму невядомыя збілі і абрабавалі гомельскага таксіста. Тады злачынцаў не знайшлі.
А ў 2018 годзе ў затрыманага за рабаўніцтва мужчыны ўзялі адбіткі пальцаў і высветлілі, што яны супадаюць з адбіткамі аднаго з забойцаў таксіста.
У выніку 55-гадовага мужчыну суд прызнаў вінаватым і ў рабаўніцтве, і ў нанясенні цяжкіх цялесных пашкоджанняў, і ў забойстве з асаблівай жорсткасцю. Прычым судзілі яго па старым крымінальным кодэксе, узору 1960 года.
Вырак — 15 гадоў калоніі строгага рэжыму. Таксама мужчыну будуць прымусова лячыць ад алкагалізму.
0
0
0
0
0
0
