14.01.2019 / 19:47

Дзікае рысянё злавілі на прыватным падворку ў Баранавіцкім раёне 5

Жыхарка вёскі Вольна Таццяна Балтрукевіч распавяла Intex-press, што ўвечары 13 студзеня яе малодшая сястра знайшла ў сябе ў гаспадарчай пабудове нечаканага госця — рысь.

— Адчыніла дзверы хлява і ледзь не нос у нос сутыкнулася са зверам. Сястра закрыла дзверы, і мы адразу ж патэлефанавалі ў МНС, бо не ведалі, куды ў такім выпадку звяртацца. Разам з ратавальнікамі прыехалі супрацоўнікі міліцыі, прадстаўнікі БТПР, міжраённай інспекцыі аховы жывёльнага і расліннага свету і іншыя. Але ўсё, што ўдалося тады зрабіць, — гэта толькі прагнаць звера.

Па словах Таццяны, рысь далёка не пайшла і раніцай 14 студзеня вярнулася ў гэты ж двор:

— У гэты раз мы звярнуліся па дапамогу да нашага ўчастковага і старшыні мясцовага сельвыканкама, якія і арганізавалі адлоў «госця».

Рысь паводзіла сябе спакойна, не праяўляла агрэсіі, і пазней яе перадалі ў ветэрынарную службу Баранавіцкага раёна, паведаміла Intex-press Наталля Ібрагімава, старшыня Вольнаўскага сельвыканкама. Зараз рысь знаходзіцца на каранціне.

— Ветслужба праверыць, ці здаровая жывёла, — патлумачыла Наталля Ібрагімава. — Калі высветліцца, што яна не хварэе на шаленства, будзе вырашацца далейшы лёс рысяняці. Звера альбо выпусцяць на прыроду, альбо перададуць у заапарк.

0
Базыль / Адказаць
14.01.2019 / 20:47
Няхай котка жыве на волі. Толькі не ў заапарк.
0
Владимир.Бобруйск / Адказаць
14.01.2019 / 21:08
Господи,за что в зоопарк?Накормить и выпустить!Вся страна один сплошной зоопарк.
0
Туш / Адказаць
14.01.2019 / 21:17
Хай падрасце і выпускайце ў Налібоцкую пушчу.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру