Дзяржава вырашыла не зносіць Асмалоўку 8

Міністэрства культуры прыняло пастанову наконт мінскага раёна Асмалоўка, які яшчэ нядаўна хацелі знесці. Дакумент апублікаваны на сайце pravo.by.

Пабудовы ў раёне вуліц Старавіленская — Кісялёва — Багдановіча — Чычэрына — Куйбышава — Пашкевіч — Камуністычная — праспект Машэрава будуць знаходзіцца пад аховай дзяржавы.

Статус гісторыка-культурнай каштоўнасці трэцяй катэгорыі атрымаюць 11 будынкаў:

1. Багдановіча, 6 / Пашкевіч, 1,
2. Багдановіча, 8,
3. Багдановіча, 10,
4. Багдановіча, 31 / Камуністычная, 42,
5. Багдановіча, 33,
6. Камуністычная, 3 / Куйбышава, 21,
7. Камуністычная, 5,
8. Камуністычная, 6 / Чычэрына, 7,
9. Куйбышава, 19,
10. Пашкевіч, 9 / Чычэрына, 2,
11. Пашкевіч, 11/ Куйбышава, 17.

Акрамя таго, забараняецца змяненне вышыні, архітэктурных рашэнняў і дэкарацыі фасадаў будынкаў, у тым ліку і тыпавых двухпавярховых будынкаў. Забудова прызнана гістарычна каштоўнай.

Кварталы Асмалоўкі аднесеныя да зоны рэгулявання забудовы. Гэта азначае, што там забараняецца ўзвядзенне будынкаў і збудаванняў, надбудова існуючых будынкаў і збудаванняў вышэй за адзнаку, пазначаную ў дакуменце.

Пяць прычын, чаму Асмалоўка не павінна быць знесеная

Міхал Анемпадыстаў: Асмалоўка — апошні кавалак горада, які перадае атмасферу паваеннага Мінска

Стась Карпаў: Навошта мне Асмалоўка? А навошта вам, каб яе не было?

фоты Сяргея Гудзіліна

Хочаш падзяліцца важнай інфармацыяй ананімна і канфідэнцыйна? Пішы ў наш Тэлеграм