У мазырскай трохпакаёвай кватэры адбылася ўспышка газавай сумесі, паведамляе МНС.
Гаспадар кватэры ў момант успышкі знаходзіўся з жонкай. Паводле папярэдняй інфармацыі, гаспадар кватэры на балконе кухні з дапамогай ручной газавай гарэлкі гатаваў курыцу.
Падчас гатавання адбылася разгерметызацыя газавага балончыка і мужчына прыйшоў з газавай гарэлкай у памяшканне кухні і паклаў яе ў мыйку. У гэты час на кухню ўвайшла яго жонка і ўключыла святло, пасля чаго адбылася ўспышка газавай сумесі.
Выбух пашкодзіў шкло чатырох аконных праёмаў у кватэры. Парушэнняў цэласнасці апорных канструкцый дома і слядоў гарэння няма. Эвакуацыя жыхароў дома не праводзілася. Пацярпелых няма.
0
0
0
0
0
0
