21.01.2019 / 14:48

Каля Ракава «Рэно» стукнуўся ў БМВ, а той ад удару наехаў на кіроўцу

Аварыя здарылася 18 студзеня каля 21.30.

На 35-м кіламетры аўтадарогі Мінск — Гродна 24-гадовы жыхар Гродзеншчыны на Рэно не ўлічыў неспрыяльныя ўмовы надвор’я і не знізіў хуткасць, паведамляе абласная міліцыя.

У выніку ён сутыкнуўся з аўтамабілем БМВ, які стаяў у паласе руху з уключанай светлавой сігналізацыяй.

Ад удару машына наехала на 22-гадовага кіроўцу, які ў гэты час быў перад сваёй машынай і папраўляў нумар.

Кіроўца БМВ атрымаў цялесныя пашкоджанні. Медыкі яму дапамаглі і адпусцілі дамоў.

Каб пакінуць каментар, калі ласка, актывуйце JavaScript у наладах свайго браўзеру