21.01.2019 / 18:10

Ганну Смілевіч выключаюць з Моладзі БНФ: «Мандзік шантажуе мяне гісторыямі асабістага жыцця» 25

«Наша Ніва» паведамляла пра трагікамедыю, якая нядаўна разыгралася на сядзібе Партыі БНФ.

Нагадаем, што нехта напісаў на дошцы «Мандзік (кіраўнік Моладзі БНФ — Рэд.) х**ло». Пакрыўджаны Мандзік падумаў на мінулую старшыню Ганну Смілевіч і сабраўся выключыць яе з арганізацыі.

Чытайце гісторыю цалкам: «Мандзік — х**ло»: скандал у шэрагах Моладзі БНФ. На сядзібу выклікалі міліцыю, Ганну Смілевіч выганяюць

Праз тыдзень мы пацікавіліся, чым скончылася гісторыя. 

Раней Мандзіка і Смілевіч звязвалі рамантычныя пачуцці.

«Наша Ніва» звярнулася да Дзяніса Мандзіка, ён адказаў праз сацыяльныя сеткі, што «заявы на выхад Смілевіч пакуль не пісала», а таксама што «няма сэнсу выключаць людзей, якія нічога не робяць».

А вось Ганна Смілевіч трактуе сітуацыю іначай. Дзяўчына сцвярджае, што задала Мандзіку прамое пытанне: ці выключана яна з Моладзі БНФ. І атрымала катэгарычнае «Так».

«Я проста хачу скончыць як мага хутчэй з гэтай гісторыяй. Я ўсё яшчэ ў Партыі БНФ, і мяне гэта задавальняе. Магчыма, вярнуся ў Моладзь БНФ, калі тут з'явіцца адэкватнае кіраўніцтва, якое не змешвае асабістае стаўленне са справамі арганізацыі», — расказала Смілевіч пра свае далейшыя планы.

Яна дадаткова распавяла, што пасля таго, як сітуацыю пачала асвятляць «Наша Ніва», Мандзік стаў шантажаваць яе гісторыямі з іх асабістага жыцця.

Мы папрасілі Дзяніса Мандзіка пракаментаваць сваю пазіцыю і ўсё ж даць пэўны адказ. Той адмовіўся, прапанаваўшы даслаць запыт на Сядзібу БНФ.

Сямён Цыбульскі

21
фелікс / Адказаць
21.01.2019 / 18:18
Мандзік, відаць - засланы Масквой "казачок". Пэўна, яго задача - не даць нацыянальнай моладзі скансалідавацца напярэдадні выбараў. Гнаць яго дзеркачом.
5
вася чэсных / Адказаць
21.01.2019 / 18:22
Руководство БНФ понимает, что Мандику нет смысла раскручивать политическую карьеру? Или задача угробить молодежное движение на корню?
1
Cepro / Адказаць
21.01.2019 / 18:30
Нейкі дзцячы садок...
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру