Гісторыю грамадзянкі Беларусі Анастасіі Вашукевіч, якую дэпартавалі з Тайланда ў Беларусь, але затрымалі падчас перасадкі ў Шарамеццева, kp.by пракаментавала прэс-сакратар прэзідэнта Беларусі Наталля Эйсмант
— У дадзены момант скажу коратка: безумоўна, кіраўнік дзяржавы ў курсе гэтай сітуацыі, пра яе шмат пішуць у СМІ. Больш за тое, прэзідэнтам Беларусі дадзена даручэнне неадкладна заняцца вызваленнем грамадзянкі Беларусі, — распавяла Наталля Эйсмант «Камсамолцы».
Рыбку адпусцілі пад падпіску аб нявыездзе
— Якія першыя меры прыняты?
— Я магу казаць пра тое, што ведаю: даручэнне ад прэзідэнта краіны паступіла, думаю, яго ўжо прынялі да выканання ў Міністэрстве замежных спраў.
Міністр замежных спраў Уладзімір Макей пракаментаваў журналістам даручэнне прэзідэнта неадкладна заняцца вызваленнем грамадзянкі Беларусі Настассі Вашукевіч.
— Усе даручэнні прэзідэнта, якія МЗС атрымлівае, выконваюцца беспярэчна, якасна і ў тэрмін, — заявіў Макей.
— Гэта значыць вызваленне Насці Рыбкі — вынік працы МЗС?
— Гэта комплексная заслуга. Яна вызвалена пад падпіску аб яўцы, яна можа прыляцець у Мінск, але павінна па першым патрабаванні з'яўляцца ў судзе, — растлумачыў Макей.
