22.01.2019 / 18:52

На аўтобусы «Мінсктрансу» пачалі масава ўсталёўваць датчыкі ўзроўню паліва. Навошта? 1

500 аўтобусаў «Мінсктрансу» абсталююць датчыкамі ўзроўню паліва яшчэ да канца студзеня, паведамляе выданне «Транспартнік сталіцы». На другім этапе гэтымі прыборамі аснасцяць яшчэ паўтысячы пасажырскіх машын.

«Мінсктранс» склаў дагавор з ЗАТ «Мехатроніка» на ўстаноўку 1000 датчыкаў Eurosens Dominator RS. Купілі таксама праграмнае забеспячэнне, з дапамогай якога ў рэжыме рэальнага часу можна атрымліваць інфармацыю пра ўзровень паліва ў баках, бачыць яго расход пры працы на лініі і знаходжанні на тэрыторыі філіяла (стаянка, мыйка, рамонтная майстэрня).

Аснашчэнне аўтобусаў датчыкамі, лічаць у «Мінсктрансе», зробіць працэс уліку паліва больш дакладным і правільным, дазволіць эфектыўна аналізаваць спажыванне і прымаць аператыўныя захады для ліквідацыі прычын перарасходу. Акрамя таго, зараз будзе прасцей выяўляць і папярэджваць выпадкі несанкцыянаваных зліваў і няпоўных заправак, падкрэслілі ў вытворча-тэхнічным аддзеле прадпрыемства.

1
Зiма / Адказаць
23.01.2019 / 16:24
Наступным крокам аутобусы абсталююць спiдомэтрамi й датчыкамi тэмпературы матору.
Каб пакінуць каментар, калі ласка, актывуйце JavaScript у наладах свайго браўзеру