22.01.2019 / 19:50

Футбаліст ганяе па Мінску на дарагой машыне і фіксуе «подзвігі»-парушэнні ў сябе ў інстаграме ВІДЭА 27

На адным з відэа ў інстаграме відаць, як аўтамабіль Infiniti FX аб'язджае велізарны затор на вуліцы Арлоўскай проста па тратуары, пакуль астатнія кіроўцы чакаюць. Ролік зняты самім парушальнікам.

Першапачаткова відэа з'явілася ў інстаграме @automotive.by са спасылкай на акаўнт меркаванага парушальніка _l.i.72. У допісе быў згаданы нейкі Ілля. Але неўзабаве спасылку на акаўнт выдалілі і замянілі зварот «Ілля» на «Воўчык». Акаўнт _l.i.72 належыць Іллі Лухвічу — сыну былога футбаліста зборнай і трэнера «Мінска». Хлопец у інстаграме распавядае пра чорны Infiniti, прыгоды, звязаныя з аўто, і трапляе ў іх ужо не ў першы раз.

19-гадовы Ілля — старэйшы сын Аляксандра Лухвіча. Хлопец пайшоў па слядах бацькі, сур'ёзна заняўшыся футболам. Па амплуа ён нападаючы. Усю дзіцячую кар'еру правёў у структуры ФК «Мінск». У 2016-м дэбютаваў за дубль «гараджан».

Фотаў і відэа з машынай у інстаграме Іллі вельмі і вельмі шмат. Стыль кіравання ў яго спецыфічны.

На адным з кадраў машына прыпаркаваная на зялёнай зоне. Пад фота подпіс: «Што хачу, тое і раблю».

На гэтым роліку відаць, як ён абганяе машыны, якія хочуць павярнуць налева, і становіцца ў пачатак чаргі. Пры гэтым ён каментуе і абражае іншых кіроўцаў.

Асцярожна, ненарматыўная лексіка.

Тут кіроўца Infiniti ідзе на абгон праз двайную суцэльную.

А на іншым відэа чалавек за рулём Infiniti абганяе ўсіх проста па абочыне.

Дазваляе сабе гнаць па двайной суцэльнай паласе, выкарыстоўваючы маячкі, падобныя на спецсігналы ДАІ.

У гэтым выпадку чалавек за рулём Infiniti праз зялёную зону і бардзюры паехаў на паркоўку. Калі верыць подпісу, кіроўцу проста не спадабалася, што хтосьці доўга ўздымаў шлагбаум.

А тут Ілля вырашыў пакатацца па тратуары ў раёне Палаца спорту і быў заўважаны супрацоўнікамі Дзяржаўтаінспекцыі.

Ездзіць па раздзяляльнай зоне кіроўца таксама не саромеецца.

2
Орк / Адказаць
22.01.2019 / 19:58
Ну iдыёт самы настаяшчы
0
Казачны Д. / Адказаць
22.01.2019 / 19:59
Ну давай, Шуневич, твой выход.
0
Иня / Адказаць
22.01.2019 / 20:02
Скорее всего ему и штрафы по камерам приходят не один раз в месяц и такой человек, видимо по мнению гаи, не представляет опасность
Паказаць усе каментары/ 27 /
Каб пакінуць каментар, калі ласка, актывуйце JavaScript у наладах свайго браўзеру