22.01.2019 / 20:12

Стокілаграмовую авіябомбу знайшлі ў стозе сена пад Лельчыцамі. Яна цудам не выбухнула 8

У вёсцы Буйновічы Лельчыцкага раёна сапёры вайсковай часці ўнутраных войскаў 5525 выцягнулі са стога сена 100-кілаграмовую авіяцыйную бомбу, паведамляе міліцыя.

Пра боепрыпас у міліцыю паведаміла гаспадыня ўчастка. Паклаў туды бомбу некалькі гадоў назад яе муж-нябожчык.

Мужчына адпілаваў хваставую частку бомбы, затым схаваў у сене і прыгразіў жонцы, каб яна нікому пра гэта не расказвала.

У месцы распілу знаходзіўся тратыл. Невядома, дзе мужчына знайшоў авіябомбу, як здолеў транспартаваць, а самае галоўнае, чаму ў выніку ўсіх маніпуляцый яна не выбухнула — там быў узрывальнік, гэта значыць бомба знаходзілася ў баявым стане.

Бомбу знішчылі на палігоне.

0
Ёпрст / Адказаць
22.01.2019 / 20:18
Па сутнасці, усе беларусы партызаны :-)
2
ugo / Адказаць
22.01.2019 / 20:39
Сынок у слухаўках па чыгунцы ходзіць. Бацька бомбы пілуе... Усе мы разумнымі бываем, калі на іншых з боку глядзім. А самі, "разумныя", вельмі часта ў такіх жа сітуацыях апынаемся.
3
Жвір / Адказаць
22.01.2019 / 20:46
О! Лельчыцы ! Гэта ж усім тут знаёмы маленькі гарадок, на самым поўдні Беларусі ? Гэта там дзе гароды мяшчанаў сягаюць аж да мяжы з Украінай ? Гэта там, дзе кабеты, пасьля плённага працоўнага дня, сядзяць на лавачках ды лузгаюць семачкі, абменьваючыся апошнімі навінамі і ствараючы тыя навіны ??? А цяпер яшчэ й бомба (не тая, што сэкс) у стагу сена ! Крута, Лельчыцы хэдлайнэр беларускіх навінаў !
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру