23.01.2019 / 12:29

«Футбаліста-гоншчыка» Лухвіча затрымалі, мамчына аўто арыштавалі. Бацька: Мне сорамна за сына 16

Ілля Лухвіч — малады беларускі футбаліст, які пакуль не дасягнуў нічога. Быў дублёрам у «Мінску», пасля не змог прабіцца ў склад каманды «Чысць» з першай лігі, а ўрэшце засеў у запасе «Промня».

Ілля Лухвіч. Фота з інстаграма.

Хлопец праславіўся не спартыўнымі дасягненнямі, а тым, што парушаў правілы на дарагім аўто і яшчэ здымаў свае прыгоды на відэа, якое пасля публікаваў у інстаграме.

Чытайце: Футбаліст ганяе па Мінску на дарагой машыне і фіксуе «подзвігі»-парушэнні ў сябе ў інстаграме ВІДЭА

Цяпер Ілля ў міліцыі, а яго бацькі ў шоку.

фота з Інстаграма

Бацька Іллі — Аляксандр Лухвіч, былы абаронца зборнай Беларусі і былы трэнер «Мінска». Ён зрабіў нечаканы крок — прыйшоў у каменты да навіны пра сына на сайце «Трыбуна» і шчыра выбачыўся.

Аляксандр Лухвіч

«Наша Ніва» распытала Аляксандра Лухвіча пра гэтую гісторыю трохі падрабязней.

«НН»: Скажыце, гэта сапраўды вы прыйшлі ў каментары да навіны пра подзвігі сына?

Аляксандр Лухвіч: Так, я. Проста напісаў.

«НН»: Атрымліваецца, вам сорамна за тое, што адбылося?

АЛ: Так, канечне. Я ж бацька. Я думаю, у сына хопіць розуму таксама выбачыцца. Пакуль што ён у міліцыі, я тут таксама. Сын затрыманы, машыну арыштавалі.

«НН»: Скажыце, а чыё аўто? Сын сам купіў ці вы падарылі?

АЛ: Машына ўвогуле належыць маёй жонцы. Сыну яе часам давалі, калі яму было трэба куды пад’ехаць. Свайго аўто ў сына не было.

«НН»: Кажаце, кар’ера трэнера для вас скончаная пасля гэтых відэа.

АЛ: Думаю, так.

«НН»: Але чаму?

АЛ: Каму патрэбныя скандалы? Гэта ў Расіі шоу-бізнэс і скандалы. А ў нас не любяць шум.

«НН»: Але гэтая гісторыя ж забудзецца. Ну не праз год, дык праз два.

АЛ: Забудзецца, канечне. Але ж асадак застанецца.

«НН»: І чым тады будзеце займацца, калі не футболам?

АЛ: Знайду чым. Снег пайду чысціць, траву касіць. 

nn.by

3
Непрыхвасьцень / Адказаць
23.01.2019 / 12:39
сынок, конечно, редкостный дурачок ) форрест гамп, по ходу, нобелевский лауреат по сравнению с этим тупиньким.. звезда инстаграмма, ёпт.
22
Васіль / Адказаць
23.01.2019 / 12:52
У сына сваё жыццё, у цябе - сваё. Дасць бог, сын яшчэ памяняецца, будзе з цябе браць прыклад. І ты яшчэ будзеш ім ганарыцца. 
6
Гопнiк з Малiнаукi / Адказаць
23.01.2019 / 13:01
Найду чем. Снег пойду чистить, траву косить -
аха щас, ишь чего захотел!!! Может еще и картошку копать? Этим у нас занимаются заслуженные люди - Депардье, Сигал, Чиж  в конце концов)))
https://nn.by/?c=ar&i=224064&lang=ru
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру