Пра гэта распавёў на прэс-канферэнцыі 24 студзеня намеснік гендырэктара «Гаррамаўтадара Мінгарвыканкама» Алег Лукашэнка.
- На апрацоўку вулічна-дарожнай сеткі падчас снегападу адводзіцца 2-6 гадзін у залежнасці ад катэгорыі транспартнай артэрыі. Забяспечыць праезд неабходна за 4-8 гадзін пасля заканчэння снегападу, - сказаў А. Лукашэнка.
Ён таксама паведаміў, што работы па ўтрыманні вулічна-дарожнай сеткі ў Мінску вядуцца кругласутачна. У сярэднім у суткі для гэтых мэтаў задзейнічана каля 700 адзінак спецтэхнікі: да 400 у дзённую змену і да 300 - у начную. Уборкай і процігалалёднай апрацоўкай пешаходных зон, уваходаў у падземныя пераходы, прыпынкаў грамадскага транспарту штосутачна займаюцца да 650 прыбіральшчыкаў тэрыторый: 550 днём і да 100 ўначы.
