Фота Волі Афіцэравай
У Беларусі з суперажываннем адсочваюць сітуацыю ў Венесуэле. Пра гэта, як піша БелТА, заявіў начальнік упраўлення інфармацыі і лічбавай дыпламатыі — прэс-сакратар МЗС Беларусі Анатоль Глаз, адказваючы на пытанне аб тым, ці змянілася пазіцыя беларускага боку ў сувязі з апошнімі падзеямі ў Венесуэле.
«Наша пазіцыя не змянілася. Мы з суперажываннем адсочваем сітуацыю ў Венесуэле. Лічым, што ўсе праблемныя пытанні павінны вырашацца самім венесуэльскім грамадствам і выключна шляхам мірнага дыялогу ў рамках прававога поля і Канстытуцыі. Венесуэльскі народ можа самастойна справіцца з цяжкасцямі без умяшання звонку», — заявіў прэс-сакратар.
Што тычыцца беларускіх грамадзян, якія знаходзяцца ў Венесуэле, то інцыдэнтаў з імі не зарэгістравана. «Многія з іх знаходзяцца там у рамках выканання сацыяльнага заказу ўрада Венесуэлы, які і працягваюць выконваць», — сказаў Анатоль Глаз.
Двоеўладдзе ў Венесуэле: кіраўнік парламента прынёс прысягу прэзідэнта, яго прызналі ЗША, Бразілія і каталіцкая царква
