28.01.2019 / 19:12

«Я белорусскій язык на дух не переношу», — зморшчылася таксістка. Назаўтра яе звольнілі 47

Астраном і фатограф Віктар Малышчыц стаў удзельнікам не вельмі прыемнай сітуацыі.

Ілюстрацыйнае фота.

Яго жонка выклікала таксі службы «Сталіца 135». Прыехала жанчына на вялікім белым «Фордзе». Толькі яго жонка паспела сесці і стала тлумачыць, куды ехаць, як кіроўца адразу перапыніла: «А что, у вас никто по-русски не разговаривает?» І на абсалютна спакойны адказ, што тут сапраўды ўсе шэсць чалавек размаўляюць па-беларуску, выдала: «Я белорусского языка на дух не переношу».

Потым кіроўца пачала прыдзірацца і хаміць усю дарогу. Дакалупалася да бабулі, якая не магла ніяк зашпіліць рамень бяспекі. Чаплялася да дзяцей.

Віктар Малышчыц у звароце да службы таксі напісаў:

— Вы ж самі ведаеце, што рэпутацыя зарабляецца гадамі, а вось губляецца ў адзін момант. Паводзіны вашай мадам былі прыблізна такімі ж, як у гіпатэтычнага таксіста з Масквы, які абзывае ўсіх пасажыраў ватнікамі і прынцыпова размаўляе з імі па-англійску, адкрыта ненавідзячы рускую мову. Прычым ведаеце — такіх людзей змяніць ужо немагчыма, адзіны варыянт — даць ім працу, не звязаную са стасункамі з людзьмі.

У кампаніі адрэагавалі на гэты выпадак. Са спадаром Малышчыцам сёння звязаліся ўсімі магчымымі спосабамі, аператыўна праверылі інфармацыю, папрасілі прабачэння і, каб выключыць падобныя выпадкі з гэтым таксістам, звольнілі яе.

«Таму хачу падзякаваць службе 135 за хуткую рэакцыю, за жаданне ісці насустрач, а таксама за беларускую мову камунікацыі»,

— напісаў Малышчыц.

27
Ян Севярын Бакей / Адказаць
28.01.2019 / 19:01
проста дзіва дзіўнае, што хамку так аператыўна звольнілі... Рэспэкт сямейству Малышчыцаў.
17
Электробус / Адказаць
28.01.2019 / 19:06
[Рэд. выдалена] павінна пакутаваць!
27
Дед Мороз / Адказаць
28.01.2019 / 19:08
наверное ватница негодует :) может увольнять и не надо было, хотя если я правильно понял она клиентов оскорбляла... по идее её нужно на курсы вывучэння беларускай мовы нужно было отправить... хотя опять же у неё скорее всего клинический случай важности головного мозга :)
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру