У міліцыю патэлефанаў відавочца, які распавёў, што каля дома №5 па вуліцы Кастрычніцкай вялікі сабака, без нашыйніка і намордніка, знешне падобны на ратвейлера, напаў на жанчыну, што выгульвала на павадку той-тэр'ера, паведамляе віцебская абласная міліцыя.
Сабака кідаўся на мінакоў, паводзіў сябе агрэсіўна, у выніку быў застрэлены нарадам Дэпартамента аховы.
73-гадовая жанчына не пацярпела, аднак з-за перажытага стрэсу была вымушана звярнуцца да медыкаў, а яе той-тэр'ер загінуў.
Міліцыя праводзіць праверку, высвятляецца гаспадар сабакі.
0
0
0
0
0
0
