Эстонскі парламент зацвердзіў папраўкі ў закон, які дазваляе здзяйсняць пэўныя віды натарыяльных дзеянняў без фізічнай прысутнасці кліента, выкарыстоўваючы відэасувязь, паведамляе ERR.

ID-карта для рэзідэнтаў Эстоніі.

У заканадаўства ўводзіцца новы від натарыяльнага пасведчання: відэа-мост паміж натарыусам і кліентам. Кліенту больш не трэба будзе фізічна сустракацца з натарыусам.

Дзякуючы відэасувязі будзе магчымасць падаваць заявы на шлюб або яго скасаванне, уступленне ў спадчыну або адмову ад яе, завяраць даверанасці і г.д.

Для дыстанцыйнага завярэння Натарыяльнай палатай распрацавана спецыяльная праграма. Увайсці ў яе можна з дапамогай ID-карты, электроннага пасведчання асобы або электроннага пасведчання асобы электроннага рэзідэнта.