31.01.2019 / 19:11

Намеснік кіраўніка МЗС пра вяртанне пасла ЗША ў Мінск: Працэс зойме месяцы, калі не гады 5

Намеснік кіраўніка МЗС Беларусі Алег Краўчанка пацвердзіў, што Беларусь зняла абмежаванне на колькасць амерыканскіх дыпламатаў у Мінску. Пра гэта дыпламат заявіў, выступаючы на ​​панельнай дыскусіі «Атлантычнай рады» ў Вашынгтоне 31 студзеня.

Алег Краўчанка, фота: МЗС.

— У нас няма графіка, мы яшчэ падыходзім да рашэння сумесна з амерыканскім бокам — вярнуць паслоў. Канчатковае рашэнне яшчэ не прынятае. Калі будзе прынята? Працэс зойме месяцы, калі не гады. Хутчэй за ўсё, гады, да таго як мы ўбачым паслоў у абедзвюх сталіцах.

Таксама Алег Краўчанка паведаміў, што не выключае таго, што бязвізавы ўезд у Беларусь распаўсюдзіцца і на наземныя межы. Аднак, як адзначыў дыпламат, гэта таксама доўгі працэс.

— Спадзяюся, што гэта адбудзецца раней, чым пазней, — заўважыў прадстаўнік МЗС.

Нагадаем, 11 студзеня амерыканскі часопіс Foreign Policy паведаміў, што кіраўнік МЗС Беларусі Уладзімір Макей 10 студзеня апавясціў Вашынгтон пра зняцце абмежаванняў на колькасць амерыканскіх дыпламатаў у Мінску.

0
Вожык / Адказаць
31.01.2019 / 19:18
Боятся папу Пу
0
Дед Мороз / Адказаць
31.01.2019 / 19:20
По моему мнению какие то бездельники в МИДе работают... Упрощение визового режима со странами ЕС - года и десятилетия нужны... Вернуть американских послов - тоже года нужны... 100500% бездельники
0
LitvinM / Адказаць
31.01.2019 / 19:49
А чаго гэта намесьнік такі задаволены - гады пройдуць. Што - Лаўроў так загадаў з Пуцькіным ?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру