02.02.2019 / 23:14

Расіянін, у якога на пажары ў Кемераве загінула ўся сям’я, з'ехаў у ЗША: «Брыдка глядзець, як нас падманваюць» 25

Жыхар расійскага Кемерава Ігар Вострыкаў стаў тварам трагедыі ў гандлёвым цэнтры «Зімовая вішня», у якім 25 сакавіка 2018 года загінулі 60 чалавек. Сярод іх — трое дзяцей Вострыкава, а таксама жонка і сястра.

«Маёй сям’і больш няма. Вінаваты правячы рэжым у маёй краіне … У Кемераве адбудзецца мітынг. Прыходзьце, у колькі можаце», — напісаў ён у сацыяльных сетках, пасля чаго на стыхійную акцыю пратэсту выйшлі тысячы чалавек. Удзельнікі мітынгу абвінавацілі ўладу ў карупцыі і запатрабавалі адстаўкі чыноўнікаў. 

Яшчэ праз некалькі дзён Вострыкаў абвінаваціў «майданшчыкаў» і назваў Пуціна «царом»: «Улада павінна быць моцная».

Пасля трагедыі ён атрымаў кампенсацыю — агулам каля $300 тысяч. Неўзабаве Вострыкаў уступіў у «Адзіную Расію», перамог на партыйных праймерыз, аднак у выніку прайграў на мясцовых выбарах.

У пачатку 2019 года стала вядома, што Вострыкаў, адпачыўшы ў Тайландзе, з’ехаў у ЗША. Ён звярнуўся з відэазваротам з Фларыды.

«У гэтым няма нічога новага, я не хачу сказаць, як тут добра, а ў нас усё дрэнна. Але мне брыдка глядзець, як нас падманваюць. Я хачу, каб ва ўсіх людзей была магчымасць жыць камфортна. Мы нічым не горшыя за Амерыку», — кажа Вострыкаў. Ён параўноўвае заробкі ў Расіі і ЗША, а пасля кошт аўтамабільнага паліва — яно ў Амерыцы таннейшае.

ВВ

4
меркаванне / Адказаць
02.02.2019 / 23:19
Ну і лайно, калі абагульніць.
7
Driver / Адказаць
02.02.2019 / 23:36
А чаму ў Амерыку? Чаму не ў Венесуэлу, ці не ў Нігерыю, ці Гану, ці ў які Непал? Што гэты Вострыкаў зрабіў для дабрабыту Амерыкі, што паехаў ім (дабрабытам) карыстацца?
Халява, саўковая халява...
3
БРСМ / Адказаць
02.02.2019 / 23:55
Ніякія трагедыі не зменяць тых, у каго замест мазгоў у галаве вата...
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру