Моладзевая зборная Беларусі прайграла ў вырашальным матчы зборнай Швейцарыі (1:2) і не здолела вярнуцца ў эліту сусветнага маладзёжнага хакею.
Турнір у групе «А» дывізіёну 1 праходзіў у швейцарскім Херызаў. Беларусы і швейцарцы дагэтуль выйгралі ва ўсіх матчах, таму пуцёўка ў эліту мелася быць разыграная ў вочным двубоі.
Падапечныя Андрэя Гусава саступілі з лікам 1:2 (Рэвенка, 16 – Фрайдэво, 1, Жусі, 56). Такім чынам, у эліту маладзёвага сусветнага хакею выходзіць Швейцарыя.
Турнірная табліца: Швейцарыя – 15 (розніца шайб 31—7), Беларусь – 12 (39—7), Францыя – 9, Славенія – 6, Польшча – 3, Эстонія – 0.
Нашыя выйгралі ў Польшчы (4:0), Францыі (8:2), Славеніі (7:2), паздзекваліся з Эстоніі -- 19:1.
***
Год таму беларусы таксама паспяхова стартавалі на турніры ў Рызе, але ў апошнім, самым важным, матчы з гаспадарамі саступілі.
Нашыя вылецелі з эліты на чэмпіянаце 2006/2007. Дагэтуль чатыры сезоны запар, пачынаючы з 2002 г., фланіравалі туды-сюды.
Як трапіць у эліту? Правесці наступны турнір у Мінску :)
