Грамадства1414

Тром фанатам мінскага «Тарпеда» прысудзілі гіганцкія турэмныя тэрміны за бойку

Два дзясяткі фанатаў выйшлі да стадыёна «Тарпеда» ў Мінску з беларускамоўнай расцяжкай «Дзевяць гадоў за тое, што фанат. Патап. Вова. Звон».

Гэткім чынам фанаты «Тарпеда» вырашылі працягнуць увагу грамадскасці да прысудаў, якія нядаўна былі вынесеныя іх паплечнікам.

Гісторыя бярэ пачатак летам 2017-га. Група фанатаў «чорна-белых» вярталася з Івацэвічаў, дзе праходзіў кубкавы матч іх каманды. «Тарпеда» перамагло ў той гульні з буйным лікам 6:0 і прайшло ў наступны раўнд.

Сутычка адбылася на тэрыторыі Стаўбцоўскага раёна на адной з заправак. Таварышы затрыманых кажуць, што ніякіх істотных траўмаў нанесена не было. «Было парванае адзенне, а таксама крыху пабіты аўтамабіль. Уся шкода была кампенсаваная», — расказвае адзін з фанатаў.

У хуткім часе сілавікі ідэнтыфікавалі і затрымалі фанатаў. Ужо амаль паўтара года яны знаходзяцца ў зняволенні. «Вы ж ведаеце, як працуе ГУБАЗіК. Ужо і тыя пацярпелыя ніякіх прэтэнзій не мелі, але на іх націснулі, каб далі паказанні», — кажа іншы прыхільнік «Тарпеда».

Пра затрыманых расказваюць, што гэта звычайныя хлопцы з мінскага раёна Аўтазавод. «У аднаго ёсць сям’я, дзіця. Іншы працаваў у банку, яшчэ адзін — аўтаслесар», — кажуць нашы суразмоўцы.

Спачатку справу разглядаў Стаўбцоўскі раённы суд, але пасля скаргаў яна была накіраваная ў Мінск. У выніку хлопцы былі асуджаныя па артыкуле 339 ч. 3 «Хуліганства з прымяненнем зброі для прычынення цялесных пашкоджанняў», яшчэ дваіх асудзілі па артыкуле 218 ч. 3 «Наўмыснае знішчэнне ці пашкоджанне маёмасці, здзейсненыя арганізаванай групай».

Першы прысуд быў шакуючы для ўсіх — адзін затрыманы атрымаў 9 гадоў зняволення, а яшчэ двое па 8,5 года. Зрэшты, на паўторным судзе аднаму з абвінавачаных удалося «скінуць» тры гады. У выніку фанаты атрымалі 9, 8,5 і 5,5 гадоў.

8 лютага будзе разгледжаная яшчэ адна скарга фанатаў. Калі суддзя яе не задаволіць, то фанаты адправяцца ў калонію.

Раней да 2 гадоў 4 месяцаў зняволення за распальванне варажнечы і распаўсюд парнаграфіі быў прысуджаны адзін з лідараў фанацкага руха мінскага «Дынама» Віталь «Пума». Гэта прывяло да таго, што фанаты «Дынама» сталі байкатаваць гульні каманды, іх сектар пустуе на стадыёне ўжо два гады.

Фанаты «Тарпеда» не збіраюцца далучацца да байкоту: «Гэта ні да чаго не прывядзе. Міліцыя толькі задаволеная будзе, што ніхто не ходзіць на сектар».

У 2017 годзе да вялізных тэрмінаў за бойку з «тарпедаўцамі» таксама былі асуджаныя фанаты МТЗ-РІПА («Партызан»). Сярод іх быў і Ілля Валавік, ён атрымаў 10 гадоў зняволення за бойку.

Можна канстатаваць, што прысуды для фанатаў звычайна больш жорсткія, чым для грамадзян, якія трапляюць па тых жа артыкулах на лаву падсудных, але не належаць да субкультуры ультрас.

Каментары14

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог2

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

Усе навіны →
Усе навіны

Ryanair і Finnair прызналі найгоршымі авіякампаніямі Еўропы3

Дачка Надзеі Ермаковай пастаўляе рыбу ў калоніі, бальніцы і сілавікам11

У Валагодскай вобласці РФ мост абрынуўся пад вернікамі проста падчас хрэснага ходу6

«VIP-кліентка» КДБ. Гісторыя шведскай беларускі, якую арыштавалі на радзіме і вызвалілі разам з Ціханоўскім4

На станцыі метро «Плошча Леніна» жанчына ўпала на рэйкі

Як ідзе рамонт моста на праспекце Незалежнасці ФОТЫ1

У Літве хочуць стварыць дронавую заслону на мяжы з Беларуссю1

«Патэлефануйце Пуціну»: Рутэ папярэдзіў Кітай, Індыю і Бразілію пра другасныя санкцыі3

У парку Чалюскінцаў з’явіцца «Вежа свабоднага падзення»2

больш чытаных навін
больш лайканых навін

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог2

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

Галоўнае
Усе навіны →

Заўвага:

 

 

 

 

Закрыць Паведаміць