Чэмпіён Англіі і пераможца Лігі чэмпіёнаў – 2008 (Манчэстар Юнайтэд) выйграў чэмпіянат свету сярод клубаў.Турнір праводзіўся ў Японіі.
У фінальным матчы, што прайшоў у нядзелю ў Ёкагаме, МЮ выйграў у «ЛДУ Кіта» (Эквадор) – 1:0.
Гол у «чырвоных д’яблаў» на рахунку Уэйна Руні. Зазначым, што ад 49-й МЮ гуляў удзесяцёх. Чырвоную картку атрымаў сербскі абаронца Неманья Відзіч.
Манкуніянцы стартавалі на турніры з паўфіналу, дзе абыгралі гаспадароў турніру – Гамбу Осаку з лікам 5:3.
Падапечныя сэра Алекса Фергюсана прыляцелі на турнір наймацнейшым складам.
Цяпер МЮ можа лічыцца не толькі наймацнейшым клубам Еўропы, але і свету.
Дарэчы ў 1\8 фіналу "рэдс" будзе супрацьстаяць міланскі "Інтэр", які сёлета ачольвае экс-трэнер "Чэлсі" Жазэ Мурынью.
***
Удзел на турніры ў Японіі азначае, што МЮ прапускае 18-ы тур англійскай прэм’ер-лігі.
Сёння канал «Лад» пакажа ў жывым эфіры матч «Арсенал» – «Ліверпуль».
«Ліверпуль» лідзіруе ў чэмпіянаце Англіі. А партал «Спорт-Сегодня» дасціпна назваў «Арсенал» Робін Гудамі англійскай прэм’ер-лігі: яны, маўляў адбіраюць ачкі ў моцных і дораць іх слабым.
Падапечныя Арсена Венгера выйгралі ўжо ў першым крузе і ў «Чэлсі», і ў МЮ.
Зазначым таксама, што раён «Арсеналу» – гэта раён, дзе знаходзяцца беларускія дамы ў брытанскай сталіцы:на Пэн Роўд (беларускі дом) ды Мар’ян Хаўс і Скарынаўка ў Фінчлі і. Таму лічыцца, што беларусы Лондана хварэюць за «Арсенал».
Хоць беларусы жывуць і на «Хамерсміт» (а гэта вотчына «Фулхэма»), і ў цэнтры, дзе хварэюць за «Чэлсі».
А эмігранты ХІХ ст., якія ўцякалі з Беларусі, пасля паразаў паўстанняў 1831 г. і 1863 г. сяліліся ў тады яшчэ прадмесці Лондана – Тотэнхэме. Прыкладам, там жыў і настаўнічаў Аляксандр Рыпінскі.
А вось у Ліверпулі, у адрозненне ад Манчэстару, Бірмінгему, Нотінгему, беларускіх арганізацый ніколі не было. Хоць горад быў для беларусаў транзітным.
Карацей! Трансляцыя матчу «Арсенал» – «Ліверпуль» у 17:55.
P.S. Каманды згулялі ўнічыю - 1:1.