ДТЗ з удзелам грузавога аўтамабіля МАЗ і мікрааўтобуса Renault Master адбылося раніцай 26 ліпеня мінулага года на 34-м кіламетры аўтадарогі «Брэст — Камянец — «Белавежская пушча», паведамляе СК.
У выніку сутыкнення аўтамабіляў загінула сям'я — кіроўца мікрааўтобуса і тры пасажыры, сярод якіх двое малых дзяцейі.
У ходзе следства ўстаноўлена, што 61-гадовы кіроўца грузавога аўтамабіля парушыў правілы дарожнага руху і выехаў з другараднай дарогі на перакрыжаванне, не выканаўшы патрабаванні дарожнага знака «Рух без спынення забаронены».
Устаноўлена, што кіроўца МАЗа меў аб'ектыўную магчымасць бачыць аўтамабіль «Рэно», што ехаў злева, але працягнуў рух без прыпынку.
Кіроўцу грузавога аўтамабіля прад'яўленае абвінавачванне па ч.3 арт.317 (парушэнне правілаў дарожнага руху, што пацягнула смерць чатырох чалавек).
Каментары