06.02.2019 / 15:24

Затрымалі беларуса, які працаваў на пастаўшчыкоў цыбулі з гераінам ФОТА 3

Мужчына больш за пяць гадоў быў у міжнародным вышуку.

Пачалося ўсё яшчэ ў 2010 годзе. Тады праверылі машыну на расійскіх нумарах, якая ехала з Расіі ў Беларусь. У аўто знайшлі 28 кілаграмаў гераіна, які быў замаскіраваны пад цыбулю.

«Гэты наркатрафік беларускія праваахоўнікі распрацоўвалі больш за паўгода. У выніку была выкрытая дзейнасць транснацыянальнай арганізаванай злачыннай групы, якая займалася пастаўкамі гераіну з Сярэдняй Азіі.

Канфіскаваныя наркотыкі прызначаліся для наступнага транзіту ва Украіну і краіны Еўрасаюза, а таксама для распаўсюду на тэрыторыі нашай краіны, — паведамляе міліцыя. — Падчас правядзення аператыўна-вышуковых мерапрыемстваў выйшлі на шэраг лідараў і ўдзельнікаў міжнароднага наркасіндыката, у тым ліку грамадзян Беларусі і Таджыкістана. Дарэчы, адзін з іх ажыццяўляў кіраўніцтва падначаленымі, адбываючы пакаранне ў месцах пазбаўлення волі суседняй дзяржавы».

Уладзімір Юрчанка ўзначальваў адно з падраздзяленняў гэтай злачыннай групы. Мужчыну затрымалі ў Чарнігаўскай вобласці. Пакуль што ён ва Украіне пад вартай, чакае экстрадыцыі ў Беларусь.

На радзіме Юрчанку будуць судзіць. Яму пагражае да 20 гадоў.

nn.by

1
хамса / Адказаць
06.02.2019 / 16:02
забаўна.. а вось цікава - у Лука (хітразачасанага) правяраюць што-небудзь, калі ён перасякае беларускую мяжу з боку расеі? (ён жа таксама толькі з таго боку перасякае)
хамса ціха напявае пад нос: 'герой на героине и двойная сплошная пролегла между ними'..
0
Адыкватник) / Адказаць
06.02.2019 / 23:14
хамса, хто ж яго праверыт))) ен голавы адкрутить быстра
1
хамса / Адказаць
07.02.2019 / 09:50
Адыкватник), уся надзея на Насцю Рыбку - яна нічога не баіцца.. але чаму яна свайго прэзідэнта не хоча?)
Каб пакінуць каментар, калі ласка, актывуйце JavaScript у наладах свайго браўзеру