Галоўная фінансавая ўстанова краіны «настойліва рэкамендавала» камерцыйным банкам спыніць выдачу валютных крэдытаў насельніцтву.
Пра гэта Інтэрфаксу паведаміў прадстаўнік аднаго з камерцыйных банкаў.
Паводле суразмоўцы агенцтва, Нацбанк тлумачыць гэта складанай сітуацыяй на ўнутраным валютным рынку краіны.
У лісце, які накіраваны ў камерцыйныя банкі, рэкамендавана ўзмацніць кантроль за мэтавым выкарыстаннем спажывецкіх крэдытаў, выдаваць спажывецкія крэдыты ў рублях толькі на набыццё тавараў беларускай вытворчасці.
У прэсавай службе Нацбанка каментаваць гэтую інфармацыю адмовіліся.
0
0
0
0
0
0
