09.02.2019 / 10:07

Трамп і Кім Чэн Ын сустрэнуцца ў Ханоі

Другая сустрэча лідэраў КНДР і ЗША пройдзе ў Ханоі 27-28 лютага. Пра гэта паведаміў у пятніцу амерыканскі прэзідэнт Дональд Трамп ў Twitter.

«Мае прадстаўнікі толькі што пакінулі Паўночную Карэю пасля вельмі плённай сустрэчы і ўзгаднення часу і даты правядзення другога саміту з [лідарам КНДР] Кім Чэн Ынам. Ён адбудзецца ў Ханоі, В'етнам, 27 і 28 лютага», - напісаў Трамп.

Амерыканскі лідар заявіў, што «з нецярплівасцю чакае сустрэчы са старшынёй [Дзяржсавета КНДР] Кімам [Чэн Ыном] і прасоўвання справы міру».

Спецпрадстаўнік ЗША па КНДР з дэлегацыяй у 20 супрацоўнікаў амерыканскага знешнепалітычнага ведамства знаходзіўся 6-8 лютага ў Пхеньяне, паведамляюць інфармагенцтвы. Абмяркоўвалі дэталі правядзення саміту, а таксама «абавязацельствы па поўнай дэнуклеарызацыі, пераўтварэнне адносінаў ЗША і КНДР і ўсталяванне трывалага міру на Карэйскім паўвостраве».

12 чэрвеня 2018 гадоў ў Сінгапуры прайшоў першы ў гісторыі саміт ЗША - КНДР. Кіраўнікі дзяржаў прынялі сумесную заяву. Пхеньян абвясціў пра прынцыповую гатоўнасць да поўнай дэнуклеарызацыі, а ЗША абавязаліся даць КНДР гарантыі бяспекі.

Каб пакінуць каментар, калі ласка, актывуйце JavaScript у наладах свайго браўзеру