11.02.2019 / 09:24

Паліцыя арыштавала фанатаў, якія здзекаваліся са смерці футбаліста Салы

Як паведамляе Daily Mail, «Саўтгемптан» можа забараніць затрыманым наведваць стадыён на працягу трох гадоў.

Брытанская паліцыя затрымала двух заўзятараў «Саўтгемптана», якія падчас матчу 26-га тура англійскай прэм'ер-лігі з «Кардыф Сіці» дэманстравалі здзеклівыя жэсты, звязаныя з гібеллю футбаліста супернікаў Эміліяна Салы.

Падчас гульні двое фанатаў «святых» расставілі рукі і адлюстравалі палёт самалёта, намякаючы на трагедыю, якая адбылася з гульцом.

У сваю чаргу, клуб пацвердзіў, што фанатаў чакае пакаранне.

«Сапраўды, двое фанатаў знаходзяцца цяпер у паліцыі. Мы супрацоўнічаем з праваахоўнікамі з мэтай выяўлення асоб, якія былі абвінавачаныя ў падобных паводзінах. Падобнае недапушчальна ў футболе. Мы забаронім доступ на стадыён усім фанатам, якія будуць паводзіць сябе такім чынам», — гаворыцца ў заяве на сайце клуба.

Каб пакінуць каментар, калі ласка, актывуйце JavaScript у наладах свайго браўзеру