11.02.2019 / 14:27

«Ну што яму нарабілася? Гэтыя бедныя дзеткі самі ўсё стараюцца». Родная нападніка са Стоўбцаў расказала пра ягоную сям'ю 15

Свабода паразмаўляла са сваячкай дзесяцікласніка Вадзіма М., які напаў з нажом на настаўніцу і вучняў у сярэдняй школе №2 у Стоўбцах. Цётка бацькі нападніка расказала пра сям‘ю, дзе выхаваўся хлопец.

Здарэнне адбылося сёння ранкам. 53-гадовая настаўніца гісторыі і грамадазнаўства памерла ад ран. Пазней стала вядома, што загінуў яшчэ 17-гадовы падлетак, два — 15-гадовы і 16-гадовы — застаюцца ў рэанімацыі.​

Бацька Вадзіма М., які ўчыніў напад у стаўбцоўскай школе, працуе вадзіцелем у камунгасе ў Стоўбцах. Там жа, прыбіральшчыцай, працуе і маці. Абаім няма яшчэ і 40 гадоў. Яны паходзяць зь вёсак у Стаўбцоўскім раёне. Жывуць у Стоўбцах.

Як распавяла сваячка бацькі школьніка, у сям‘і, апрача Вадзіма М., ёсць меншая дачка, якая ходзіць у 5-ю клясу той самай школы, дзе адбылося здарэнне.

«Мне сёння звоняць без канца сваякі. Ну ўсе кажуць, што ён узорны вучань, паводзіны добрыя, а што яму сталася? Ці ён што ў інтэрнэце рабіў, ці чым займаўся!? Бацька ягоны заўсёды быў рады, што ён дома, з сям‘ёй, ні ў якія дурныя кампаніі ня лез. Заўсёды з бацькамі, разам. Ніколі бацькі раней на яго ня скардзіліся, што курыць ці яшчэ што», — кажа стрыечная бабуля Вадзіма М.

Сям‘ю, у якой выхаваўся хлопец, яна называе спакойнай і працавітай. А самога Вадзіма М. называе «нармальным і адэкватным хлопчыкам».

«Вельмі добрая сям’я. Гэтыя бедныя дзеткі (бацькі. — РС) самі ўсё стараюцца. Працуюць. Машыну купілі самі, дом самі. Бачыла неяк нядаўна бацьку і пытаюся: як, скажы, Вадзім жа ў 10-ы клас [ходзіць], можа, і паступаць куды ўжо збіраецца? А ён кажа: цёця, ён такі свойскі ў нас, дамашні. І ўсе так пра яго кажуць. Харошы і добры вучань быў. Спакойны, узорны хлопец. Што ён зрабіў, што там атрымалася, ня ведаю».

Скантактавацца з бацькамі Вадзіма М. ёй пакуль не ўдалося.

«Дзе ж яны самі пазвоняць. Яго злавілі ж ужо. Пэўна, і бацькі там недзе. Бедныя. Ну што яму нарабілася, у мяне ў галаве ня ўкладваецца».

«Цэліў у горла»: сталі вядомыя падрабязнасці здарэння ў Стоўбцах, дзе школьнік зарэзаў настаўніцу і вучня

Дзесяцікласнік у Стоўбцах напаў з нажом на настаўніцу і аднакласнікаў, двое загінулі

63
юзік / Адказаць
11.02.2019 / 14:46
Страх Божы людзі пагублялі, вось адкуль і забойствы і самазабойствы...
53
Звыклы беларус / Адказаць
11.02.2019 / 14:54
Што нарабилася? Проста АМОК - чытайце беларускую класику ... Дзикая ПОМСТА ад адчаю ... Таму што  савецкая и сучасная рускамоуная постсавецкая школа у Беларуси - гэта нейкая  сумесь казармы, зьвярынцу и вучэльни ... заусёды шкадавау дзяцей школьнага узросту - и сваих и чужых . Кали не зрабиць тэрминовую рэформу школе и ВУЗам па скандынауским варыянце ( и , найперш, рэальную беларусизацыю ! ) - будзе стокроць горш у ближэйшы час. Расейски дэбильны ИНЭТ + лукашысцкая настауницкая хеура = грымучая сумесь! 
Хай мяне прабачаць, але шукайце прычыну у настауниках !
76
хамса / Адказаць
11.02.2019 / 15:03
>кажа стрыечная бабуля
стрыечная бабуля - гэта што?
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру