11.02.2019 / 17:20

У Барысаве з'явяцца аўтобусныя прыпынкі ў футбольнай стылістыцы і з бясплатным Wi-Fi 2

Такія прыпынкі паставіць БПС-Сбербанк, які разам з плацежнай сістэмай Visa заключыў з ФК БАТЭ трохбаковы мемарандум аб супрацы. Пры гэтым банк атрымаў статус афіцыйнага партнёра клуба.

Першы футбольны прыпынак у Барысаве ўсталююць да сярэдзіны года. У першую чаргу зменяцца прыпынкі, якія стаяць ля стадыёна «Барысаў-Арэна», дзе выступае чэмпіён Беларусі.

Таксама штуршок атрымае праект па ўкараненні бескантактавай аплаты ў наземным транспарце Барысава. Гэта стане развіццём сэрвісу бескантактавай аплаты, што раней БПС-Сбербанк запусціў у мінскім метро.

«Для Беларусі гэта будзе рэдкі прыклад стратэгічнага і шматбаковага ўзаемадзеяння, якое выйдзе далёка за межы сумеснага прасоўвання. Мы плануем разам ажыццявіць унікальныя праекты для прыхільнікаў футбола. Што важна, супрацоўніцтва таксама зробіць унёсак у развіццё інфраструктуры Барысава, дасць магчымасць умацаваць яго імідж як футбольнага горада», — падкрэсліў старшыня праўлення БПС-Сбербанка Ігар Мяркулаў.

Сярод чаканых праектаў — выпуск банкам сумеснай футбольнай карты ФК БАТЭ на платформе Visa. Таксама плануецца стварыць безнаяўную плацежную прастору на «Барысаў-Арэне». Акрамя гэтага, у Барысаве будуць рэгулярна праводзіць сацыяльныя мерапрыемствы і актыўнасці, у тым ліку з удзелам футбольнай каманды.

5
Матёрый / Адказаць
11.02.2019 / 17:53
Сбербанк прокрутит деньги клиентам. Обдурит их и заплатит Вот и вам бесплатный Ви Фи.
0
Палкоўнік Зэман / Адказаць
11.02.2019 / 19:45
Спадзяюся на беларускай мове будуць надпiсы??? Хаця ў БАТЭ нават сайта няма на белмове???
Каб пакінуць каментар, калі ласка, актывуйце JavaScript у наладах свайго браўзеру