11.02.2019 / 21:17

На расійскім тэлеканале ўпершыню пажартавалі пра забарону згадваць Навальнага. Выйшла досыць смешна ВІДЭА 9

У праграме Stand Up на тэлеканале ТНТ комік Іван Абрамаў пажартаваў пра тое, што прозвішча палітыка Аляксея Навальнага не прамаўляюць у эфіры Першага канала. На гэта звярнула ўвагу агенцтва «Весьма», відэа даступна на канале праграмы на Rutube. 

«Як вы ведаеце, на Першым канале не прамаўляюць прозвішча чалавека, якое рыфмуецца са словам авальны. Таму што лічыцца, што ён як Волан-дэ-Морт. Гэта значыць, калі ты выпадкова прамовіш яго імя, ён тут жа даведаецца, дзе ты цяпер знаходзішся ў дэкларацыі аб даходах», — сказаў Абрамаў.

Ён таксама ўспомніў, што прозвішча Навальнага згадаў у эфіры расійскага Першага канала трэнер Леанід Слуцкі, які каментаваў матч паміж Мексікай і Германіяй на чэмпіянаце свету па футболе.

«Там такая цішыня павісла …» — сказаў комік і пажартаваў, што ў гэты момант можна было пачуць у «Астанкіна» нервовы смех кіраўніка канала Канстанціна Эрнста. А каментар Канстанцін Дзяменцьеў (напарнік Слуцкага) у гэты момант чытаў «Ойча наш».

У канцы Абрамаў пажартаваў, што на 45 гадоў Навальнаму выдадуць пашпарт без прозвішча: «Аляксей, а навошта вам прозвішча? Сям'я вас ведае, у СІЗА вас памятаюць».

Цікава, што 31 сакавіка Іван Абрамаў выступіць з канцэртам у Мінску.

23
Будулай / Адказаць
11.02.2019 / 22:44
Пустое
7
Брыдкая пачвара / Адказаць
11.02.2019 / 22:54
Наколькі, я зразумеў, тут размова ідзе не пра забарону ўпаніма прозвішча Навальнага. Трэба слухаць і разумець сэнс нумара
4
Дед Мороз / Адказаць
11.02.2019 / 23:02
про Димона и подобных казнокрадов не показывали?
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру