11.02.2019 / 23:00

У Мінабароны Брытаніі абвінавацілі Расію ў жаданні вярнуць краіны былога СССР 2

Сёння ў свеце існуе пагроза для ўсіх, хто шануе каштоўнасці заходняга ладу жыцця, яна паходзіць як ад тэрарыстычных арганізацый, так і з-за канкурэнцыі шэрага сусветных дзяржаў — пра гэта на выступе ў Лондане заявіў міністр абароны Вялікабрытаніі Гэвін Уільямсан.

«Пакуль мы змагаліся з экстрэмізмам, стала ўзмацняцца канкурэнцыя паміж дзяржавамі. Сёння Расія адраджаецца і аднаўляе свой ваенны арсенал, а таксама імкнецца вярнуць у сваю арбіту незалежныя краіны былога Савецкага Саюза, такія як Грузія і Украіна», — сказаў міністр.

Пры гэтым ён падкрэсліў, што сёння НАТА стала мацнейшым і гатовае «абараняцца ад варожых дзеянняў Расіі». Паводле яго слоў, НАТА павінна развіваць свае здольнасці рэагаваць на правакацыі з боку Расіі.

«Мы павінны цвёрда супрацьстаяць невыкананню Расіяй ДРСМД, быць гатовымі супрацьстаяць пагрозе, якую могуць прадстаўляць новыя расійскія ракетныя сістэмы», — падкрэсліў Уільямсан.

«Такія дзеянні з боку Расіі павінны дорага каштаваць ёй. Нельга таксама забываць і пра краіны за межамі НАТА, якія дзень за днём сутыкаюцца са спробамі Расіі падарваць іх суверэнітэт. Мы гатовыя падтрымаць нашых сяброў ва Украіне і на Балканах. Гэтыя краіны маюць права выбіраць свой лёс і быць свабодным ад умяшання Расіі», — адзначыў кіраўнік брытанскага Мінабароны.

31
Брыдкая пачвара / Адказаць
11.02.2019 / 23:32
Нада ж неяк апраўдаць гіганцкае фінансаванне, вось шукаюць эфемерныя пагрозы. Хаця, апошнія войны большасці пачынаюцца пры актыўным удзеле НАТО, у першую чаргу ЗША і Брытаніі. Па гэтаму і пытанне—а хто большая пагроза?
0
Ёпрст / Адказаць
12.02.2019 / 10:15
[Рэд. - выдалена], у 21-ым стагоддзі ва усей планеце Зямля толькі ашмёткі крывавай расейскай імперыі захапілі часткі тэрыторый іншых краін Грузіі і Украіны, вядуць вайну з Украінай і зараз спрабуюць анексаваць Беларусь! Нешта ты забыўся на выказванні свайго [Рэд. - выдалена] з ягонай акупацыйнай прапановай Лукашэнке увайсці у склад імперыі у выглядзе шасці абласцей і зараз падаўжэнне спробы анексіі Беларусі пад шыльдай пабудовы фейкавай Саюзнай дзяржавы. [Рэд. - выдалена]
Каб пакінуць каментар, калі ласка, актывуйце JavaScript у наладах свайго браўзеру