11.02.2019 / 23:15

У Рызе не змаглі адправіць у адстаўку прарасійскага мэра Ушакова

Прарасійскі мэр Рыгі Ніл Ушакоў выстаяў у ініцыяваным апазіцыяй галасаванні за яго адстаўку на пазачарговым пасяджэнні Рыжскай думы, піша Delfi. Супраць адстаўкі Ушакова прагаласавалі 33 дэпутаты Рыжскай думы, за — 20 дэпутатаў.

Падчас пасяджэння дэпутаты апазіцыі абвінавачвалі Ушакова ў карупцыі на муніцыпальным прадпрыемстве Rīgas Satiksme, а таксама ў няздольнасці зменшыць чэргі ў дзіцячыя сады і эфектыўна ўтрымліваць вуліцы.

30 студзеня работнікі бюро па прадухіленні і барацьбе з карупцыяй правялі ператрусы ў кабінеце Ніла Ушакова.

Каб пакінуць каментар, калі ласка, актывуйце JavaScript у наладах свайго браўзеру